viernes, 11 de septiembre de 2026
O comisario do Xacobeo 2027, Marcos Gómez Román, participou esta mañá na presentación oficial desta cita e destacou que "Son & Mar A Coruña amosa como un proxecto novo pode consolidarse e medrar en moi pouco tempo. Nesta segunda edición duplica a súa programación e amplía a súa duración, confirmando a boa acollida dunha proposta que reforza a oferta turística da cidade e contribúe a atraer visitantes a través da música en directo".
O representante da Xunta lembrou ademais que os Concertos do Xacobeo continúan configurando unha programación diversa en toda Galicia, apoiando eventos capaces de complementar a oferta turística dos distintos territorios e contribuír á desestacionalización a través da actividade cultural.
A principal novidade desta edición é precisamente o seu crecemento. Tras a boa acollida da estrea en 2025, Son & Mar A Coruña pasa de seis a 12 eventos, ampliando tamén a súa duración de dous a catro fins de semana consecutivos. Esta evolución reforza a vocación do ciclo de consolidarse como unha das novas citas musicais de referencia do calendario galego, ao tempo que dinamiza a actividade cultural e turística da cidade durante varias semanas.
Programación
A programación reunirá propostas para públicos moi diversos, combinando artistas internacionais, figuras destacadas do panorama nacional, talento galego e eventos temáticos. A apertura terá lugar o 18 de setembro coa actuación do recoñecido DJ italiano Gabry Ponte, un dos grandes referentes da música electrónica internacional.
O 19 de setembro celebrarase PicaPop Tardeo, mentres que o 20 de setembro chegará Mundo Juego, unha xornada gratuíta dirixida ao público familiar. A programación continuará o 25 de setembro con Sacro by Mëstiza, unha proposta que fusiona música electrónica e raíces mediterráneas, seguida o 26 de setembro por Romance & Perro, unha cita centrada nos novos xéneros latinos e urbanos. O 27 de setembro celebrarase Orballo Cultural, evento gratuíto protagonizado polo talento galego.
Xa no mes de outubro, o ciclo ofrecerá Equis o día 2; Brétema Fest o 3, un festival centrado en proxectos emerxentes; Mestizo Runner o 4, que mestura deporte e participación cidadá; Bresh XXL o 9; e One Dance Tardeo o 10. Son & Mar A Coruña culminará o 11 de outubro coa celebración do Wake Up! Festival, completando unha programación que reforza o carácter plural e aberto do proxecto.
Co apoio dos Concertos do Xacobeo, Son & Mar A Coruña continúa medrando como unha proposta que combina música en directo, dinamización urbana e promoción turística, contribuíndo a ampliar a oferta cultural da cidade e a consolidar o porto coruñés como escenario para grandes eventos musicais.
A Xunta de Galicia continúa firme na súa aposta por situar a comunidade galega como destino turístico de grandes eventos musicais a través dos Concertos do Xacobeo, un programa amplo e plural impulsado por Turismo de Galicia que dá cobertura a todas as grandes e máis singulares citas e espectáculos musicais da comunidade.
A reposición dálle continuidade á aposta do Centro Dramático Galego por recuperar títulos do seu repertorio que manteñen a demanda do público máis alá da súa primeira exhibición. No caso de 'A serie clopen', as 33 funcións ofrecidas no Salón Teatro durante a súa estrea en 2025 reuniron arredor de 5.500 espectadores, antes de iniciar unha serie de representacións por outros espazos de Galicia e de Portugal. O regreso aos escenarios prodúcese despois do recoñecemento acadado pola produción nos Premios de Teatro María Casares, pois obtivo dous galardóns: Natalia Pajarito, como mellor actriz protagonista, e Marta Alonso Tejada, pola dirección de movemento.
O sábado 12 de setembro chegará un dos pratos fortes do ciclo: A Movida Viguesa e a Homenaxe a Golpes Bajos. Esta histórica xornada supón o regreso aos escenarios de artistas fundamentais para comprender a historia musical de Vigo e de Galicia. Bandas e músicos que naceron na cidade e que, desde aquí, conquistaron o panorama nacional e mesmo internacional. Reunir nun mesmo escenario a Golpes Bajos, Semen Up, Miguel Costas de Siniestro Total, Killer Barbies e Stoned at Pompei é moito máis que un concerto: é unha homenaxe a unha xeración irrepetible e a unha cidade que marcou unha época dentro da música española.
