viernes, 30 de octubre de 2026
Neste sentido, detallou que esta cifra 'non supón nin o 5% do que lle custa atender a Galicia a todos os menores migrantes non acompañados', mozos que en moitos casos permanecerán durante anos dentro do sistema de protección.
Na súa intervención, a conselleira de Política Social e Igualdade tamén fixo fincapé en que se trata dunha cantidade a repartir entre as comunidades 'que leva anos conxelada pola falta de Presupostos Xerais do Estado'. Ante esta situación, Fabiola García lembrou que Galicia 'sigue esixindo máis financiamento e que sexa acorde para poder afrontar a acollida e a súa permanencia no sistema de protección de menores'.
Por último, insistiu en esixirlle ao Goberno central 'planificación e diálogo', xa que, segundo explicou, 'seguen chegando a Galicia traslados e seguimos sen ter unha planificación, sen saber exactamente cantos máis chegarán nin en que prazos'.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
