martes, 23 de junio de 2026
Así pois, este vindeiro curso 2026-27 complétase a redución de ratios de 25 a 20 alumnos en toda a etapa de Infantil, en setembro do vindeiro ano 2027 arranca a mesma redución na etapa de Primaria (que tamén pasa de 25 a 20) en ao ano seguinte, en setembro de 2028, arrancará a rebaixa en Secundaria.
Coa redución de ratios en Secundaria queda pechado o novo paquete de melloras no ensino que amplían e intensifican o alcance das medidas do Acordo de 2023 enfocadas a blindar a calidade do sistema educativo galego e que abrangue tres puntos: os dous selados hai unhas semanas que blindan o reforzo da atención á diversidade (coa contratación ou consolidación de 400 profesionais) e as condicións do traballo do profesorado de ESO, Bacharelato, FP e Réxime Especial (como xa se fixera antes co de Infantil e Primaria) para un mellor servizo ao alumnado e un terceiro punto, de redución de ratios, que se aborda agora.
Instrucións de inicio de curso
Por outra parte, a Consellería de Educación, Ciencia, Universidades e FP vén de publicar as instrucións para o desenvolvemento das ensinanzas de Educación Infantil, Educación Primaria, Educación Secundaria Obrigatorio e Bacharelato para o curso académico 2026-27 que, en xeral, van na mesma liña que en anos anteriores.
Para ofrecer maior certeza e seguridade aos centros, estas instrucións desenvolven máis a fondo os criterios de organización das actividades complementarias co obxectivo de fomentar unha maior harmonía e equilibrio, polo que non poderán supoñer unha alteración significativa do normal desenvolvemento da actividade lectiva nin a substitución sistemática das actividades ordinarias de aula.
Para isto, os centros deberán manter unha distribución equilibrada das actividades complementarias, evitando a súa concentración en determinados períodos (como os de avaliacións ou finais de trimestre) e evitando a participación reiterada dos mesmos grupos ou determinados niveis educativos. Ademais, a participación en actividades complementarias organizadas por administracións ou entidades alleas ao centro educativo deberán responder sempre a criterios de pertinencia pedagóxica e estar vinculadas ao currículo e aos ámbitos das materias cursadas polo alumnado.
Por outra parte, tamén se recolle a formación en emerxencias e protección civil para alumnado de ESO, con actuacións específicas neste ámbito. Esta formación terá carácter obrigatorio, cunha carga lectiva mínima de catro horas anuais en cada un dos cursos da ESO.
A Xunta de Galicia vén de remitir ás organizacións sindicais a proposta para adiantar a 2028 a redución de ratios na etapa de Secundaria, que será abordada na Mesa Sectorial Docente que terá lugar o vindeiro día 30. A documentación elevada pola Consellería de Educación, Ciencia, Universidades e FP recolle que a partir de setembro de 2028 implantarase a redución de ratios ata 25 alumnos por aula na ESO fronte aos 30 vixentes no conxunto de España. Esta diminución arrancará para 1º curso de ESO e irá implementándose ano a ano e curso a curso. Unha vez completada toda a etapa de ESO, arrancará a redución a 30 alumnos por aula en Bacharelato, fronte aos 35 a nivel estatal, aínda que en Galicia xa está a 33.
O presidente da Xunta, Alfonso Rueda, anunciou o nome dos galardoados coas Medallas Castelao 2026, despois de que o Consello aprobase concedérllelas ao músico Esteban Batallán Cons, á científica Mar Capeáns Garrido, ao atleta Adrián Ben, á propietaria dos restaurantes La Penela, María Barallobre, e á Fundación Andrea. É un dos recoñecementos máis importantes da nosa Comunidade. O Consello acordou recoñecer o traballo da Fundación Andrea, que apoia de xeito integral ás familias con nenos con enfermidades de longa duración, crónicas ou terminais.
