martes, 3 de noviembre de 2026
O director xeral de Pesca, Acuicultura e Innovación Tecnolóxica, Isaac Rosón, reuniuse con representantes desta nova entidade, que agrupa a 116 asociados da produción de mexillón e xestionan un total de 154 bateas, dentro da escoita activa ao sector e co obxectivo de avanzar no fortalecemento da actividade acuícola galega tanto en termos de competitividade como de sustentabilidade e valorización dos produtos do mar.
As Organizacións de Produtores Pesqueiros son entidades recoñecidas oficialmente no marco da Política Pesqueira Común (PPC) da Unión Europea. A súa finalidade é contribuír á xestión sostible dos recursos mariños, favorecer unha mellor planificación da produción e reforzar a comercialización dos produtos da pesca e da acuicultura. Ademais, desenvolven plans de produción e comercialización destinados a adaptar a oferta ás necesidades do mercado, incrementar o valor engadido das capturas e promover prácticas respectuosas co medio mariño.
A Xunta mantén unha aposta decidida polo fortalecemento das OPP a través de distintas liñas de apoio financiadas co Fondo Europeo Marítimo, de Pesca e de Acuicultura (Fempa). Neste sentido, na última convocatoria executada, correspondente ao exercicio 2025, para actuacións desenvolvidas no 2024, a Consellería do Mar destinou máis de 2,3 millóns de euros ás axudas para os plans de produción e comercialización destas entidades.
Estas achegas permitiron reforzar a estrutura e funcionamento das organizacións profesionais do sector, impulsar proxectos de innovación e sustentabilidade e avanzar na modernización da cadea mar-industria.
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
