sábado, 9 de mayo de 2026
Baixo a denominación Enhancing Professional Development for Higher Education Staff through Micro-Credentials, MicroHEI, a coordinación do proxecto corre a cargo do docente Fernando Cerdeira, director do Centro de Posgrao e Formación Permanente, en colaboración coa Área de Educación da Oficina de Proxectos Internacionais da Universidade de Vigo. Cóntase como socios coa Univerza V Mariboru, de Eslovenia; a Zilinska Univerzita V Ziline, de Eslovaquia; a Universidade do Porto, de Portugal; a European University Foundation Campus Europae (EUF), de Luxemburgo, e a Latvijas Universitate, de Letonia. Todas estas institucións configuran un consorcio internacional centrado na mellora da formación continua e a acreditación de competencias do persoal universitario no ámbito da educación superior a través do uso das microcredenciais.
Proxecto mellor valorado entre as 200 solicitudes presentadas
O proxecto acadou a primeira posición a nivel nacional dentro das 197 propostas presentadas ás axudas destinadas ás Asociacións para a cooperación (KA 202 e KA220) do SEPIE. Concedéronse en total 19 axudas e quedamos en primeira posición, o que nos sitúa como referente no desenvolvemento profesional de accións formativas para o persoal docente e investigador mediante a elaboración e oferta de cursos con microcredenciais, explica Eva Garea, responsable da Área educativa da Oficina de Proxectos Internacionais.
Para o director do Centro de Posgrao e Formación Permanente, Fernando Cerdeira, coordinador do proxecto, esta extraordinaria puntuación débese, sobre todo, a que se trata dun proxecto moi realista e co que se pretende actualizar os coñecementos e habilidades do persoal universitario, de maneira que poida enfrontarse mellor aos novos retos sociais, como poderían ser a Intelixencia Artificial. Neste senso, ten claro que desde o SEPIE viron a necesidade deste proxecto.
Xuntanza de lanzamento no edificio Redeiras
Por diante quedan tres anos de traballo, ata 2028. O primeiro foi a xuntanza de lanzamento, celebrada recentemente no edificio Redeiras, e na que se planificaron os distintos paquetes de traballo en torno ás microcredencias, incluíndo varias sesións dedicadas á xestión e coordinación do proxecto, á análise das microcredenciais nos diferentes sistemas universitarios europeos, ao deseño dun selo común de acreditación e ás estratexias de difusión, explotación e sustentabilidade dos resultados.
A maiores, a reunión serviu tamén como espazo para o intercambio de experiencias, o debate técnico e o fortalecemento da cooperación entre as entidades participantes.
Un reto e unha realidade que se abre camiño con forza
A gran fortaleza do proxecto radica, segundo Cerdeira, en que o deseño, a impartición e a certificación dixital final destas formacións van dirixidas ao propio profesorado e persoal universitario. Estas microcredenciais son pequenos volumes de formación, que permiten a recualificación e actualización de coñecementos dos nosos profesionais, procurando estar preparados para novos retos en temas prioritarios para a Unión Europea, como a dixitalización, a enerxía verde e a inclusión, considera Cerdeira, quen aclara que todas as formacións terán un formato virtual, polo que a oferta será moi ampla e accesible a un colectivo moi amplo.
Coa mirada posta nese futuro modelo europeo común de microcredenciais, os socios do proxecto son conscientes da necesidade de definir unha guía de elaboración destes cursos común para todos os socios. Na xuntanza de lanzamento puideron comprobar xa a existencia de diferencias importantes na xestión das microcredenciais entre os diferentes países, razón pola que este proxecto ten tanto senso, admite Cerdeira. Nesta liña, salienta que aínda que a meirande parte dos países teñen definidos un número reducido de ECTS, España entre eles, noutros casos non é así.
Forte aposta da UVigo polas microcredenciais
Desde o Centro de Posgrao e Formación Permanente da Universidade de Vigo a aposta polas microcredencias foi decidida. Xa se impartiron máis dunha ducia, neste momento hai 25 en curso e outra vintena arrancarán en breve. Moitas contan con subvencións como a do Programa Becas Santander Microcrdenciais, así como as da propia Xunta de Galicia, segundo o convenio de colaboración entre a Consellería de Educación, Ciencia, Universidades e Formación profesional e as universidades galegas, que conta con fondos do Ministerio de Ciencia, Innovación e Universidades -dentro do Plan de Recuperación, Transformación e Resiliencia, financiado pola Unión Europea NextGenerationEU)-.
Dirixidas a mellorar a empregabilidade de persoas traballadoras de entre 25 e 64 anos, hai temáticas de todo tipo, desde comunidades enerxéticas ata vídeo e realización para streaming; desde ferramentas de xestión eficaz para mellorar a calidade da atención sanitaria ata seguridade industrial aplicada ao H2 verde; desde sistemas de información xeográfica e modelado do risco de incendios forestais ata Lingua de Signos... Tantas temáticas como cursos se imparten, con duracións variadas que parten dos 2 créditos ECTS, algúns integramente virtuais e outros de carácter semipresencial.
A programación desta nova edición volverá combinar espectáculos de sala, funcións de rúa, instalacións, música e propostas participativas arredor do mundo dos monicreques, con compañías galegas como Tanxarina Títeres, Títeres Alakrán, Babaluva, Mircromina, Trécola Producións, Troula Animación ou Bico de Toupa, xunto a formacións chegadas de diferentes puntos do Estado e de países como Francia, Italia, Portugal, Uruguai ou Arxentina. Entre as montaxes destacadas figura A Biblioteca Galáctica contra IA Fantástica, de Tanxarina Títeres, recoñecida nos Premios María Casares 2026, ademais de propostas premiadas como Gloria Bendita, de Arteria Producciones, ou Érase unha vez
dous pés!, da italiana Teatro dei Piedi.
Os bos resultados acadados nos últimos anos en biotecnoloxía sitúan a Galicia nunha posición de referencia neste sector, con moita proxección de futuro. A biotecnoloxía pasou de ser unha aposta estratéxica a converterse nun sector económico e científico con masa crítica, capacidades diferenciais e resultados medibles. Así o amosan os resultados acadados na execución da Estratexia de consolidación do sector en Galicia 21-25. Entre eles, destaca a creación de 30 novas empresas biotecnolóxicas, acadando a cifra de 162 compañías actuais; unha facturación de 2.037 millóns de euros, que cuadriplica a de 2021 e se sitúa no 2,6% do PIB; ou o aumento do emprego cualificado vencellado ao sector, acadando as 5.693 persoas traballadoras, tres veces máis desde 2021.
