miércoles, 1 de abril de 2026
Nestes grupos, a cobertura da inmunización fronte ao VRS é do 93,8 % no caso dos bebés que son vacinados nos hospitais galegos ao nacer dentro das datas da campaña e do 95 % para os nados fóra de campaña, de abril a setembro de 2025.
Sobre ingresos hospitalarios de nenas e nenos que xa pasaron algunha tempada de VRS, na última semana produciuse un ingreso entre os nados do 1 de abril de 2024 ao 31 de marzo de 2025; e outro ingreso no grupo de nados entre o 1 de abril de 2023 ao 31 de marzo de 2024.
En adultos, na pasada recollida no informe rexistráronse 25 ingresos con VRS en maiores de 60 anos, dos cales 15 correspóndense a maiores de 80.
Oportunidade dos adultos de participar no ensaio clínico Sincigal
Calquera maior de idade que desexe participar no ensaio clínico Sincigal, que ten como obxectivo avaliar a redución de ingresos hospitalarios na poboación adulta mediante a vacinación fronte ao virus respiratorio sincitial (VRS), pode facelo acudindo sen cita previa nos puntos habilitados nos hospitais, en distintos horarios, dispoñibles na web do estudo.
Do mesmo xeito, tamén están activos os máis de 130 centros de saúde participantes, que figuran na seguinte ligazón.
Como ata agora, a participación implica a posibilidade de recibir ou non a vacina, de forma aleatoria, e posteriormente poder comprobar a súa efectividade na diminución de hospitalizacións en persoas vacinadas e sen vacinar.
As persoas interesadas en participar neste estudo teñen á súa disposición o teléfono gratuíto 900 842 217 e a web do proxecto sincigal.com para resolver dúbidas.
O Banco de España acaba de publicar os datos oficiais de débeda pública correspondentes ao peche do exercicio 2025. Nese período, Galicia reduciu a súa ratio de débeda ata o 13,9 % do seu PIB, o que representa a ratio máis baixa dende 2012. Deste xeito, Galicia situase como a cuarta comunidade autónoma de réxime común con nivel de débeda máis baixa e cun diferencial con respecto á media das CCAA de 6,3 puntos porcentuais. A ratio de débeda das CC.AA. situouse no 20,2 %. Logo do esforzo extraordinario por mor da pandemia, Galicia leva unha senda descendente dos seus ratios de endebedamento. Así, desde a pandemia, ano 2020, reduciu a ratio case seis puntos, pasando de 19,6 % ata o 13,9 %.
A implantación da recollida separada de materia orgánica consolídase como o piar fundamental para que Galicia cumpra cos obxectivos ambientais europeos. Dado que os restos orgánicos representan case o 40 % do lixo doméstico, a súa correcta xestión é a chave para baleirar os vertedoiros e xerar compost de alta calidade que retorne á terra como fertilizante. A día de hoxe, o compromiso galego con este sistema é evidente: 295 concellos xa contan con métodos específicos para os biorresiduos.
