miércoles, 7 de octubre de 2026
Por estes motivos e polas boas sensacións recollidas durante todo o proceso, trasladoulle ao ministro que a Xunta está confiada en que a candidatura da Ribeira Sacra se faga co merecido e honroso recoñecemento internacional, ao tempo que se amosou máis que satisfeito co traballo realizado, ata o momento, polos técnicos do Goberno galego e o Ministerio de Cultura. Un compromiso compartido que agradecemos sinceramente e que estamos convencidos de que se manterá nestes momentos decisivos, aseverou.
Deste xeito, considerou claves os próximos pasos e procedementos que se desenvolverán neste semestre antes da gran cita na cidade coreana de Busán. Por esta razón, López Campos incidiu na importancia de preparar a conciencia e coa rigorosidade que definiron as accións da Xunta e do Ministerio de Cultura en todo o proceso a folla de ruta conxunta para os vindeiro meses. Precisamente, no mes de febreiro o conselleiro acudirá a París á xuntanza que se celebrará co subdirector da Cultura da Unesco, Ernesto Ottone, e co embaixador de España ante este organismo, Miquel Iceta.
Estamos, de novo, perante pasos claves aos que nos enfrontamos coa tranquilidade e seguridade que dá contar cunha candidatura madura, sólida e arroupada non só polo Goberno central, senón por toda a comunidade, veciñanza, axentes locais e institucións da zona, asegurou López Campos, quen tivo palabras de agradecemento para todos eles pola total implicación e desde o primeiro momento coa proposta Ribeira Sacra: Paisaxe da Auga.
O conselleiro lembrou que a candidatura pon en valor que se está ante un territorio que abrangue 26 concellos das provincias de Lugo e Ourense e que posúe un valor universal e excepcional. Consecuentemente, a proposta céntrase en atributos especiais para deixar constancia do seu carácter único, que van desde os canóns e vales fluviais esculpidos pola auga ata o relevante do seu patrimonio hidráulico, con infraestruturas que teñen chegado aos nosos días desde a revolución tecnolóxica medieval con muíños, centrais ou os saltos impresionantes de auga.
Precisamente, o titular de Cultura da Xunta puxo en valor que esta singularidade puido ser comprobada in situ polo observador de Icomos enviado ao territorio e cuxo expediente complementou o que entregamos a principios da candidatura", precisou.
Folla de ruta iniciada en 2017
Finalmente, o conselleiro aproveitou para lembrar o esforzo e intenso traballo por parte do Goberno galego con esta candidatura. En concreto, apuntou os preto de 8 M que a Xunta ten investido na conservación e posta en valor de máis de 40 bens patrimoniais deste territorio das provincias de Ourense e Lugo.
Neste senso, precisou que, ao longo deste período, a Administración autonómica executou, en solitario ou en colaboración con outras institucións e concellos, máis de 90 actuacións tanto en materia arquitectónica como arqueolóxica en diferentes bens, como igrexas, mosteiros, museos, castros ou xacementos romanos, entre outros. Co esforzo e traballo de todos, a Ribeira Sacra conseguiu ser hoxe en día un territorio aínda máis vivo, máis coidado e máis recoñecido e aínda o vai ser máis cando academos este merecido recoñecemento internacional, concluíu.
O conselleiro de Facenda e Administración Pública, Miguel Corgos, avanzou hoxe que as contas da Xunta para o ano 2027 continuarán a reforzar o gasto social, cunha suba por riba da media do crecemento do orzamento e con melloras no acceso á vivenda, a máxima prioridade desta lexislatura. Así mesmo, o Goberno galego seguirá comprometido coa transformación do modelo produtivo cunha aposta polo investimento en I+D+i e pola mellora da formación para impulsar o crecemento empresarial. Ademais de aproveitar a riqueza dun Xacobeo 2027, 'que queremos que sexa o mellor da historia'.
O conselleiro de Cultura, Lingua e Xuventude, José López Campos, compareceu hoxe a petición propia no Pleno do Parlamento de Galicia para dar conta das preto de 700 medidas recollidas no novo Plan xeral de normalización da lingua galega. Fíxoo despois de que a maioría das formacións políticas con representación na Cámara galega chegasen a un acordo para enriquecer este texto froito do traballo de preto de dous anos feito por expertos con achegas de entidades, institucións e particulares. Neste senso, o responsable autonómico de Lingua agradeceu a colaboración e implicación de todos os profesionais que participaron, baixo a coordinación do académico Manuel González, na elaboración deste documento.
