domingo, 1 de noviembre de 2026
Por áreas sanitarias, a taxa de consultas por gripe foi inferior á da semana anterior en todas elas, agás na área sanitaria da Coruña e Cee; de Lugo, A Mariña e Monforte de Lemos; e na de Ourense, Verín e O Barco de Valdeorras.
Respecto dos ingresos por gripe, o número descendeu un 13 % respecto da semana anterior, 372 ingresos fronte a 429, sendo a taxa de 13,7 ingresos por 100.000 habitantes. O descenso da taxa observouse en todos os grupos de idade e en todas as áreas sanitarias agás na da Coruña e Cee, onde aumentou un 24, 6%.
No que vai de tempada da gripe notificáronse 3.646 ingresos, a maioría deles con virus do tipo A.
A rede de farmacias sentinela que colabora coa Consellería de Sanidade traslada que na última semana as taxas de dispensa de antigripais e de probas de antíxenos descenderon un 5,6 % e un 32,3 %, respectivamente.
En canto á porcentaxe de positividade das mostras estudadas para virus da gripe, na semana dúas obsérvase un novo descenso respecto da anterior (22,7 % fronte a 25,2 %), en continuidade coa tendencia iniciada tras o máximo da onda na semana 49. O virus do tipo A continúa a ser o predominante.
Evolución
Segundo os datos reflectidos neste informe, semella que se consolida a tendencia decrecente da actividade gripal, se ben este descenso estase producindo lentamente. Non obstante, hai que ter en conta que o nivel de intensidade segue a ser baixo e que continuamos en onda de gripe, polo que é preciso manter a vixilancia epidemiolóxica e as medidas de prevención e control recomendadas ata que esta finalice.
Malia tendencia decrecente, recoméndase o uso da máscara aínda que non se teñan síntomas cando se acude a centros de saúde, aos puntos de atención continuada e ás urxencias hospitalarias.
En canto ao resto de estancias dos hospitais, a recomendación do uso da máscara mantense nos servizos que atendan pacientes vulnerables, como son as unidades de coidados intensivos e pacientes críticos, unidades de reanimación, de pacientes transplantados, oncolóxicos e hematolóxicos, unidades de diálise e hospitais de día.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
