sábado, 24 de octubre de 2026
O representante da Consellería de Cultura, Lingua e Xuventude explicou que neste encontro volveuse incidir nos atributos especiais e únicos que posúe a Ribeira Sacra que a fan a xusta merecedora deste recoñecemento internacional pola Unesco. Ao respecto, incidiu en que a candidatura, que abrangue 26 concellos das provincias de Lugo e Pontevedra, representa unha paisaxe construída co uso da auga dun xeito novidoso que non está presente aínda de xeito suficiente na Lista de Patrimonio Mundial.
Precisamente, Miramontes puxo en valor que esta singularidade puido ser comprobada in situ polo observador de Icomos enviado ao territorio e cuxo expediente complementou o que entregamos a principios da candidatura", precisou. Neste senso, apuntou que na reunión en París se puideron aclarar cuestións de todos os informes recompilados que serán ampliadas e matizadas pormenorizadamente na documentación definitiva da candidatura que se vai entregar antes do 27 de febreiro de 2026, avanzou.
Por estes motivos, o responsable de Patrimonio da Xunta subliñou de que todos os pasos a dar neste intre son claves de cara á decisión definitiva deste organismo no segundo semestre do vindeiro ano. O camiño que nos queda é crucial e precisamos da colaboración e do empurre de todos, destacou. Ao respecto, quixo agradecer a apoio en todo momento tanto do Ministerio de Cultura como tamén da comunidade, veciñanza, axentes locais e institucións dos 26 concellos de Lugo e Ourense que integran a candidatura.
Investimento de 8 M neste territorio nos últimos nos
De igual xeito, Miramontes tamén salientou o esforzo e traballo sen descanso por parte da Xunta para fornecer Ribeira Sacra: Paisaxe da auga. Así, sinalou os preto de 8 M que a Administración autonómica ten investido na conservación e posta en valor de máis de 40 bens patrimoniais deste territorio das provincias de Ourense e Lugo nestes últimos anos.
Desta forma, ao longo deste período, o Goberno galego executou, en solitario ou en colaboración con outras institucións e concellos, máis de 90 actuacións tanto en materia arquitectónica como arqueolóxica en diferentes bens, como igrexas, mosteiros, museos, castros ou xacementos romanos, entre outros. Co esforzo e traballo de todos, a Ribeira Sacra conseguiu ser hoxe en día un territorio aínda máis vivo, máis coidado e máis recoñecido e aínda o vai ser máis cando academos este merecido recoñecemento internacional, concluíu.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
