domingo, 1 de noviembre de 2026
De entre as accións seleccionadas en 2025 para a súa financiación, cabe destacar o Programa de atención sociosanitaria para persoas con trastorno mental severo ou o Programa Galicia Moza con ALMA, unha iniciativa da UE co obxectivo de axudar á mocidade máis desfavorecida a integrarse na sociedade accedendo a un emprego ou a unha formación a través de programas de mobilidade transnacional.
Ademais, a través da modificación do Programa de Galicia recentemente aprobada, está previsto cofinanciar tanto accións aliñadas coa Plataforma de Tecnoloxías Estratéxicas para Europa (STEP) que, co FSE+, ampara investimentos que teñan como fin acadar unha man de obra cualificada e resiliente, como novas accións en materia de vivenda e de innovación social.
Comité de seguimento
O conselleiro de Facenda e Administración Pública, Miguel Corgos, deu a benvida ao membros do Comité de seguimento do Programa FSE+ Galicia 2021 2027 que se celebra hoxe, martes, na Sala de Plenos do Consello Económico e Social de Galicia.
Por parte da Xunta de Galicia, preside a reunión o director xeral de Cohesión e Fondos Europeos, Ángel Tarrío, xunto con representantes da Comisión Europea e da Unidade Administradora do Fondo Social Europeo (UAFSE) do Ministerio de Traballo e Economía Social. Na xornada de traballo participan tamén representantes dos organismos xestores das actuacións na Xunta de Galicia, así como das organizacións máis representativas nos eidos de emprego, a educación, a formación e a inclusión social: universidades, CES, CEG, sindicatos e entidades do terceiro sector.
A celebración da reunión complétase con dúas visitas a programas cofinanciados polo Fondo Social Europeo Plus, nos ámbitos da saúde mental e da formación e o emprego xuvenil.
Miguel Corgos aproveitou a súa intervención para defender novamente que as rexións deben seguir xogando un papel central na planificación e na xestión dos fondos de xestión compartida.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
