martes, 9 de junio de 2026
No curso actual, máis de 500 alumnos están matriculados en ciclos de formación profesional pesqueira, un 3% máis que no ano anterior e a cifra máis alta desde 2018/2019. A oferta inclúe titulacións como:
- Ciclos superiores: Patrón de Altura, Mecánico Maior Naval e Acuicultura.
- Ciclos medios: Patrón de Litoral, Mecánico Naval, Cultivos Acuícolas e o novo ciclo en Operacións Subacuáticas e Hiperbáricas, homologado pola International Marine Contractors Association (IMCA).
Estes centros ofreceron 102 accións formativas non regradas en 2024, con máis de 1.200 participantes en cursos como mariñeiro pescador, patrón costeiro ou formación sanitaria marítima. Destaca tamén o esforzo pola igualdade de xénero, con 220 mulleres formándose nun sector tradicionalmente masculinizado.
Igafa: referente internacional en mergullo e acuicultura
O Igafa é o único centro galego que imparte formación en acuicultura e mergullo profesional, con instalacións de vangarda como piscinas interiores e exteriores, cámara hiperbárica e estación de carga de gases, embarcacións e obradoiros especializados.
A súa maior conquista recente é a homologación internacional do ciclo de Técnico en Operacións Subacuáticas e Hiperbáricas (TOSH) pola IMCA, converténdose no primeiro centro público de España en logralo. Isto permite aos alumnos acceder a oportunidades laborais en todo o mundo. Actualmente, o ciclo ten unha inserción laboral do 100%.
Ipmpa: innovación e simulación náutica
O Ipmpa, xunto co Igafa, é un dos dous Centros de Referencia Nacional de Galicia. Destaca polos seus simuladores avanzados de navegación, comunicación e máquinas, polo primeiro planetario náutico de España (e segundo de Europa), cunha bóveda de 8 metros, e por unha residencia para 70 alumnos.
Neste curso, 70 estudantes realizarán prácticas en buques pesqueiros en caladoiros como Terranova, Malvinas ou Gran Sol, mentres outros se incorporarán a buques de pasaxe ou remolcadores.
Colaboración co sector pesqueiro
A Consellería do Mar apoia tamén iniciativas formativas impulsadas por entidades do sector, con 1,5 millóns en axudas bianuais. En 2024, organizáronse 20 cursos con 273 participantes, e prevén sumarse 97 accións máis este ano, promovidas por confrarías e cooperativas como as de Ribeira, Burela ou O Grove.
Este compromiso colectivo consolida a Galicia como referente europeo en formación pesqueira, garantindo a competitividade e o futuro dun sector clave para a economía e o emprego galego.
Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.
