viernes, 23 de octubre de 2026
O conselleiro de Sanidade, Antonio Gómez Caamaño, destacou hoxe que a integración de Urxencias Sanitarias de Galicia-061 no Proxecto Ariadna eleva o nivel de cardioprotección da comunidade, conseguindo 554 novos voluntarios formados en reanimación cardio-pulmonar, ata acadar os 3.200, e rexistrando máis de 300 desfibriladores novos na aplicación.
O titular da carteira sanitaria, acompañado polo director de Urxencias Sanitarias de Galicia-061, Román Gómez, clausurou unha xornada sobre o proxecto á que asistiron o presidente da Sociedade Española de Cardioloxía, Ignacio Fernández; e a presidenta de Cruz Vermella de Galicia, Mercedes Casanova.
O conselleiro puxo en valor que Galicia se converteu na primeira comunidade en integrar os seus servizos no proxecto Ariadna, que ten como obxectivo xeolocalizar e validar o maior número posible de desfibriladores aos que se pode acceder no caso de que alguén sufra unha parada cardiorrespiratoria na rúa.
Así, con 10 desfibriladores por cada 10.000 habitantes, Galicia sitúase 7 puntos por riba da media de España.
Con esta integración, amplíase a capacidade do Programa galego Acude e Axuda, iniciativa pioneira en España, que ten por finalidade rexistrar a voluntarios en reanimación cardio-pulmonar e en manexo de desfibriladores.
O conselleiro lembrou que este proxecto xa ten xerado o interese de catro comunidades autónomas e resaltou que Galicia tamén foi pioneira na lexislación e implantación de desfibriladores en España.
Formación á mocidade
Na súa intervención, Gómez Caamaño referiuse ao labor de sensibilización que leva a cabo o 061 a través do Programa RCP na aula, no que colabora a Consellería de Educación, ofrecendo formación á mocidade durante a ESO. Indicou que a día de hoxe xa se formaron máis de 20.000 alumnos grazas a esta iniciativa.
Na liña de concienciación dos máis novos, a Consellería de Sanidade tamén está a impulsar o deseño e desenvolvemento dun videoxogo para poboación escolar con contidos sobre soporte vital básico.
Xunto ao anterior, Sanidade promove iniciativas que contribúen a coidar a saúde vascular da cidadanía, entre as que o conselleiro citou o Código Shock Cardioxénico, organizando a asistencia a esta patoloxía a través da creación dunha rede asistencial; o proxecto New Heart, en colaboración co norte de Portugal para optimizar o diagnóstico precoz das enfermidades cardiovasculares; ou o Rexistro galego do infarto agudo de miocardio, que proporciona datos epidemiolóxicos e asistenciais para a planificación dos recursos.
Compromiso de Galicia
No acto, o presidente da Sociedade Española de Cardioloxía e coordinador de Ariadna, Ignacio Fernández, dixo que a integración de Ariadna no sistema de emerxencias de Galicia marca un fito fundamental na loita contra a parada extrahospitalaria en España. Remarcou, ademais, que este paso reforza o compromiso de Galicia con este importante problema de saúde pública e amosouse confiado en que outras comunidades sigan este exemplo para crear unha rede nacional de resposta rápida e eficaz ante a parada cardíaca.
A xornada contou, así mesmo, coa intervención de Jorge Somoza, médico coordinador do 061, quen falou da xestión integral da parada cardíaca dende a Central de Coordinación, e de María Pardo, xefa da base medicalizada de Mos, quen abordou a atención á parada cardíaca nunha unidade de soporte vital avanzado medicalizada.
A primeira etapa da xira de A Gaivota, ensaio aberto desenvolveuse do 12 ao 15 de outubro na sala Atahualpa do Teatro El Galpón de Montevideo, en coprodución con esta institución e no marco do Festival Internacional de Artes Escénicas de Uruguai, FIDAE. O programa comprendeu sete representacións nas que Déborah Vukuić compartiu escenario con Camila Durán e Claudia Trecu, que entraron no lugar das actrices galegas Uxía Suevos e Mercedes Castro. A magnífica resposta do público uruguaio contou cunha destacada presenza da comunidade galega, que converteu as funcións nun espazo de encontro arredor da lingua e da creación escénica de Galicia. Esta acollida precede a chegada á Arxentina, onde Déborah Vukuić compartirá escenario coas actrices locais Eugenia Alonso e Carmela Rivero.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
