sábado, 25 de julio de 2026
Na carta, o ministro comprométese a continuar sen demora con este proceso e, de feito, segundo indicou Ángeles Vázquez, este luns o Goberno galego recibiu unha proposta respecto a algúns medios persoais e materiais -só vehículos- a transferir.
Nese senso, a conselleira incidiu en que se trata dun documento moi inicial na que faltan unha valoración dos medios, cargos e inmobles; os expedientes contractuais en trámite e a consignación orzamentaria correspondente.
A Consellería de Medio Ambiente e Cambio Climático, ademais de estudar esa proposta, está a comparala con outras transferencias feitas neste eido a outras comunidades autónomas. "Galicia vai defender coa mesma vehemencia as nosas competencias e os nosos dereitos, aseverou Ángeles Vázquez.
Durante a súa resposta a unha pregunta oral, a conselleira amosou a súa confianza en que o tempo de espera non sexa doutros dous meses e que o traspaso se poida concretar antes do 23 de abril, que é a data na que se cumpre un ano do aval do Tribunal Constitucional á Lei de ordenación e xestión integrada do litoral de Galicia (Loxilga).
Logo de insistir en que a Loxilga é unha norma que abre a porta ao resto das comunidades autónomas, a conselleira fixo fincapé en que a Xunta leva dez meses traballando desde a lealdade e a transparencia para poder exercer as súas competencias no litoral de forma efectiva.
Así, no último trimestre de 2024 constituíuse a Comisión interdepartamental de coordinación da ordenación do litoral, á que lle compete a coordinación da elaboración destas directrices así como dos instrumentos que as desenvolverán, e avanzouse, a través do seu sometemento ao procedemento de consulta pública previa, na creación do Foro do litoral, como órgano de asesoramento.
Así mesmo, xa está en marcha a elaboración das Directrices de Ordenación do Litoral, cuxo obxectivo é o de fixar os criterios para xestionar as actividades humanas que se poden desenvolver, e as que non, na franxa costeira. Na actualidade, e ata o vindeiro 31 de marzo, está aberto o procedemento de consulta pública previa para recompilar achegas e suxestións da cidadanía, entidades e administracións en relación á súa elaboración e contido.
O Compostela TradFest desenvolverase en tres dos espazos máis emblemáticos do casco histórico compostelán: a Praza da Quintana, a Praza de Mazarelos e a Igrexa da Universidade, integrando o patrimonio monumental da cidade nunha experiencia cultural aberta e gratuíta para todos os públicos. Entre os nomes máis destacados figuran Budiño, un dos grandes referentes da música galega actual; Felisa Segade, unha das voces máis recoñecidas da nova escena tradicional; a artista Ana Alcaide, acompañada polo estadounidense Bill Cooley; o portugués O Gajo ou o arxentino Martín Bruhn.
O porto da Coruña converterase este outono nun dos grandes espazos da música en directo en Galicia coa celebración da segunda edición de Son & Mar A Coruña. Entre o 18 de setembro e o 11 de outubro traerá á cidade máis de 30 artistas en 12 eventos repartidos ao longo de catro fins de semana, reforzando unha proposta que combina música, cultura e territorio. A principal novidade desta edición é precisamente o seu crecemento. Tras a boa acollida da estrea en 2025, Son & Mar A Coruña pasa de seis a 12 eventos, ampliando tamén a súa duración de dous a catro fins de semana consecutivos.
