domingo, 8 de noviembre de 2026
Así, realizarase un estudo detallado do ecosistema autonómico, nacional e internacional da industria das TIC mediante un sistema de bases de datos con información de empresas, mercados e industrias para analizar as tendencias deste sector; formaranse mesas de traballo e impulsaranse instrumentos financeiros públicos que apoien a implementación das diferentes medidas recollidas no plan director.
A industria das TIC é un dos seis sectores industriais, xunto coa industria metalmecánica, a automoción, a construción naval, o sector forestal-madeira e a loxística industrial, que a Xunta declarou estratéxicos en febreiro de 2024 e que inclúen a redacción doutros tantos plans directores.
Folla de ruta
Durante a sinatura do convenio, Lorenzana lembrou que o Goberno galego xa está a ultimar os plans directores da automoción e o naval, que abranguen desde a formación, ata a internacionalización, os investimentos ou a innovación.
Neste sentido, subliñou que estas follas de ruta inclúen as medidas, mecanismos e medios necesarios para fortalecer o sector, mellorar a competitividade, fomentar a súa internacionalización e sustentabilidade, impulsar a innovación industrial, incrementar o emprego industrial e estimular a captación de investimento. Deste xeito, trátase de contar cun instrumento consensuado e que dea unha resposta real ás necesidades de cada sector, co obxectivo de acompañalo durante o seu proceso de transformación.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
