miércoles, 26 de agosto de 2026
Galicia converterase na capital mundial da maxia do 3 ao 20 de outubro coa terceira edición do Festival Galicia Ilusiona, que se celebrará co apoio da Xunta de Galicia. Así o anunciou o director de Turismo de Galicia, Xosé Merelles, na presentación desta iniciativa que, como dixo encherá a oferta turística urbana do outono con sesións de maxia nas sete principais cidades de Galicia, indicou.
Durante a súa intervención, o director de Turismo de Galicia destacou que se trata dun evento que medra cada ano na calidade dos magos e ilusionistas nacionais e internacionais que participan e tamén no público que acode ás funcións. Neste punto, tivo palabras de agradecemento para os directores do festival, Dani Polo e Pedro Bugarín, que foron quen de organizar os espectáculos nos que se darán cita magos como Jerome Murat, Kimoon Do, Lore Lavand, Nestor Hato, Mago Murphy, Manolo Costa e Mindanguillo, e Ramó and Alegría.
Xose Merelles salientou que o éxito alcanzado nas dúas edicións previas con 70.000 espectadores afianzan un evento que cada ano se consolida na axenda de Galicia como un foco de atracción de visitantes e afeccionados á maxia. Neste punto, fixo referencia aos 30 países de procedencia do público que acodeu nos últimos anos.
O director de Turismo de Galicia engadiu ademais que este é precisamente o camiño que queremos seguir desde Turismo de Galicia apostando por significarnos e posicionarnos como sede de grandes eventos nacionais e internacionais.
O Festival Mundial de Ilusionismo Galicia Ilusiona comezará o vindeiro 3 e 4 de outubro en A Coruña, para continuar o 5 en Ourense; o 6 en Pontevedra; o 11 e o 12 en Santiago de Compostela; o 13 en Ferrol; o 18 en Lugo e finalmente, o 19 e 20 en Vigo. En total serán 20 sesións da maxia máis internacional. As entradas poden mercase aínda na web de Galicia Ilusiona.
Un dos elementos diferenciais do Vilablues é que a súa programación transcende o recinto principal e se integra na propia vida do municipio. O festival conta con concertos, pasarrúas, sesións, jam sessions e actividades dirixidas a diferentes públicos, facendo que a música dialogue co espazo público, coa hostalaría, co comercio e coa actividade cotiá de Vilanova de Arousa. O cartel desta undécima edición estará encabezado por Dr. Feelgood, unha das grandes lendas británicas do pub rock.
A incorporación da intelixencia artificial (IA), o internet das cousas (IoT) e o big data nos sistemas xeoespaciais corporativos da Xunta, xunto co despregamento da plataforma de soporte a xemelgos dixitais, están a transformar a xestión territorial de Galicia, segundo o balance de 2025 da Estratexia Galicia Dixital 2030. O novo modelo, resultado do Programa de Xestión Territorial Intelixente, permite aproveitar as oportunidades en materia de xestión e coñecemento do territorio, de acordo coa visión estratéxica dunha transformación dixital adaptada ás necesidades específicas de Galicia.
