viernes, 19 de junio de 2026
O congreso está organizado polas tres universidades galegas, concretamente polos investigadores e docentes da USC Patricia Sanmartín, membro do CRETUS, e Massimo Lazzari, investigador do CiQUS e coordinador estatal da Rede; por Santiago Pozo, da UVigo, presidente do Congreso; e por Jorge Sanjurjo, da UDC. Conta ademais coa colaboración da presidenta do GEQP-RSEQ e profesora da Universidade do País Vasco, Maite Maguregui.
Entre as persoas convidadas a impartir relatorios sobre temas de relevancia no campo da conservación do patrimonio atópanse José Delgado, que realizou gran parte da súa investigación no Laboratorio Nacional de Enxeñaría Civil en Lisboa e compartirá a súa visión sobre o desenvolvemento da ciencia de conservación do patrimonio cultural durante as últimas cinco décadas, ou Francesca Cappitelli, da Universidade de Milán, que tratará o papel dos microorganismos no estado de conservación do patrimonio. Pola súa banda, Silvia Prati, da Universidade de Bologna, centrarase no desenvolvemento de materiais de limpeza ecolóxicos, e Matija Strlič, da Universidade de Ljubljana e da Universidade College London, reflexionará sobre a importancia da experiencia olfativa nos lugares de exposición como os museos.
Agárdase a presenza de 180 investigadores procedentes de Europa, América, Asia e África, principalmente de España, Italia e Portugal pero tamén de Reino Unido, República Checa, Estados Unidos, México, Ecuador, Brasil, Perú, Arabia Saudí ou Singapur. A alta participación permitiu elaborar un programa que contén outras tantas achegas en forma de 6 relatorios, 35b presentacións orais e 120 pósters.
Ademais das universidades, o encontro conta co patrocinio da Xunta de Galicia, da Real Sociedade Española de Química, dos centros de investigación CIQUS e CRETUS da USC e CINTECX da UVigo, así como de empresas do sector como KBYO bilogical, Clyde HSI, Antares instrumentación, TESELA, agaragar e cienytech. Para os organizadores, o apoio recibido por parte do ámbito empresarial indica a necesidade de crear este tipo de foros nos que se visibilicen os avances nas metodoloxías e tecnoloxías orientadas a conservar e restaurar o patrimonio cultural tanxible.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
