jueves, 12 de noviembre de 2026
Valórase, entre outros aspectos, a cooperación en materia de investigación e desenvolvemento, o intercambio de coñecementos e a promoción dos valores europeos de convivencia.
Tamén o papel que se leva a cabo para poñer en valor a historia e patrimonio cultural de Europa a través do Camiño de Santiago, así como o fomento ao turismo cultural e desenvolvemento sostible, respectando as identidades locais e rexionais, entre outros criterios. O Camiño de Santiago renovou este recoñecemento despois dun rigoroso proceso de avaliación e esta renovación conleva, ademais, dun maior recoñecemento tamén oportunidades para garantir a posta en marcha de proxectos conxuntos con outros territorios.
O Consejo de Europa distinguiu o Camiño de Santiago como Primeiro Itinerario Cultural en 1987, tempo no que o fenómeno das peregrinacións vén evolucionando ano a ano. A día de hoxe, o número de Compostelas entregadas supera as 200.000, un crecemento do 16% con respecto ao ano anterior e tamén se está a vivir unha crecente internacionalización, co 65% dos peregrinos estranxeiros a día de hoxe
O 68,7 % da poboación galega de 16 a 74 anos dispón de competencias dixitais básicas ou avanzadas, fronte ao 61,4 % de 2025, o que supón un incremento relativo do 11,9 %. O 42,6 % da poboación galega de 16 a 74 anos ten competencias dixitais avanzadas, cinco puntos porcentuais máis ca en 2025, e o 26,1 % ten competencias básicas. Son datos publicados hoxe polo INE no informe sobre equipamento e uso das TIC nos fogares, analizados polo Observatorio da Sociedade da Información da Axencia para a Modernización Tecnolóxica de Galicia (Amtega).
Foi presentada na Cidade da Cultura a iniciativa 'Circo no Camiño', que celebrará entre o 12 de novembro e o 6 de decembro a súa primeira edición, na que contará con artistas nacionais e internacionais. A proposta Circo no Camiño quere achegar as artes escénicas a diferentes localidades galegas relacionadas co Camiño de Santiago. Para isto avanza unha programación variada de espectáculos de circo, maxia, música, acrobacias, humor e animación de rúa dirixidos a todos os públicos, que se desenvolverán tanto nunha gran carpa como nas rúas.En concreto, a programación desenvolverase en catro localidades galegas: Verín, Lalín, A Estrada e Santiago de Compostela, onde se pechará a programación, entre os días 3 e o 6 de decembro.
