sábado, 8 de agosto de 2026
O conselleiro de Emprego, Comercio e Emigración, José González, fixo hoxe unha valoración dos datos de paro rexistrado e de afiliacións á Seguridade Social, destacando que os datos de paro volven no mes de maio a arroxar cifras históricas e salientando a evolución favorable do mercado de traballo, xa que as afiliacións seguen a medrar na comunidade galega.
Caeu o paro na evolución anual (-9,22%) e mensual (3,40%) e nas dúas comparativas descendeu nas sete grandes cidades, nas catro provincias galegas e en todos os sectores de actividade, liderando a caída o primario con respecto a hai un ano e a abril de 2024.
Na comparativa con respecto a maio de 2023, a evolución do paro continúa coa tendencia rexistrada desde 2014. O descenso rexistrado en maio de 2024 é maior que o reflectido no mesmo período de 2023. Ademais, a baixada rexistrada en Galicia (-9,22%) é case o dobre que a reflectida no Estado (-4,79%).
As cifras de parados menores de 30 anos e de mulleres son as menores de toda a serie histórica (2005); e o número de parados de longa duración é o máis baixo dos últimos 15 anos, desde 2009.
Evolución mensual
Con respecto a abril, o paro adoita baixar en maio en Galicia, incluso no ano de inicio da pandemia. O desemprego caeu en todos os sectores, e tamén entre as mulleres e a mocidade. A caída na comunidade é maior que a reflectida no Estado cun diferencial de 1,2 puntos.
En canto ás afiliacións, continúan en aumento, tanto na evolución anual (+1,72%) e mensual (+0,84%). Galicia segue a superar a barreira do millón de cotizacións -1.077.292- situándose a cifra a un nivel superior ao de hai 15 anos.
Tendencia positiva
O conselleiro apelou a seguir traballando e apuntou que os datos reflicten unha tendencia positiva que se vai consolidando ao longo dos meses tanto na baixada do paro como no aumento das afiliacións, destacando, ademais, o labor que está a realizar a Xunta para que cada vez Galicia poida ofrecer máis emprego de calidade.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
