lunes, 14 de julio de 2025
O alumnado, de primeiro curso da ESO, realizará unha escolma de poemas previa ao encontro, para intercambiala entre os dous centros e posteriormente realizar unha posta en común na Cidade da Cultura. O encontro estará animado e moderado pola autora Nuria Vil, que desde 2016 forma parte do espectáculo de poesía escénica Dúas Gamberras e un Micro, da plataforma de crítica literaria A Sega e, recentemente, do proxecto multidisciplinar Indóciles, no que achega ao público a obra de Luísa Villalta xunto a Vero Rilo e Mónica de Nut que tamén conta cunha función no Gaiás este 25 de maio.
Ademais, a Cidade da Cultura convida a todas as persoas que o sábado 11 visiten o complexo a prestar as súas voces para darlle vida aos versos de Luísa Villalta. Nesta lectura compartida, que será gravada en vídeo e difundida pola rede, poderán ler un dos textos da escolma realizada pola tamén poeta e profesora Oriana Méndez (Vigo, 1984), que abrangue vinte poemas dos catro títulos que Villalta dispuxo en vida para a súa publicación: Música reservada (1991), Ruído (1995), Rota ao interior do ollo (1995) e En concreto (2004).
Actividades na Biblioteca de Galicia
Á celebración do Día das Letras Galegas no Gaiás súmase tamén a Biblioteca de Galicia con tres propostas para públicos de todas as idades. Así, o sábado 11 de maio, a cativada e as súas familias poderán gozar da representación teatral Isaura e Tristán. Contastorias , unha enxeñosa peza de monicreques de Fantoches Baj baseada na da novela de Luísa Villalta As chaves do tempo.
Precisamente dúas semanas despois, o sábado 25 de maio, será a quenda do público adulto coa representación de Indóciles, un espectáculo a tres mans no que Vero Rilo, narradora, Nuria Vil, recitadora, e Mónica de Nut, música, nos mergullan no legado literario provocador e rebelde que nos deixou Luísa Villalta.
Por último, todas as persoas que ata setembro visiten a Biblioteca de Galicia, terán a oportunidade de achegarse aos fondos bibliográficos que conserva relativos á escritora homenaxeada este ano, e que se exhibirán na mostra Luisa Villalta, a memoria dos sons.
Todas as actividades son de balde, aínda que para os dous espectáculos teatrais é preciso reservar praza previamente na web da Cidade da Cultura de Galicia.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.
