lunes, 2 de noviembre de 2026
No que atinxe á porcentaxe de pacientes que agardan máis de seis meses para unha intervención, Galicia tamén se posiciona como o terceiro sistema sanitario nacional con mellores datos. Así, na nosa comunidade esta porcentaxe sitúase no 2,7% dos casos, catro puntos por debaixo dos rexistros de decembro de 2022, e moi lonxe dos 24,3% da media do Sistema Nacional de Saúde
Finalmente, e respecto dos tempos de espera para acceder a unha primeira consulta, o sistema sanitario público galego sitúase en quinta posición, ao presentar 73 días de media (28 menos que a media española), fixada en 101 días.
A Xunta de Galicia agradece o labor e esforzo do conxunto de profesionais do Servizo Galego de Saúde, e segue a traballar na procura de acadar os históricos datos de lista de espera do ano 2019, que se viron interrompidos pola irrupción da crise sanitaria provocada pola covid-19.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
