viernes, 13 de marzo de 2026
O 79% das noites hoteleiras corresponden ao turismo nacional. Así pois, practicamente unha de cada dúas noites nos hoteis e pensións de Galicia do mes de febreiro corresponderon aos españois que veñen de fóra da comunidade. Ademais, o mercado internacional consolida tres anos consecutivos de crecemento da demanda no mes de febreiro con preto de 75.000 noites, a cifra máis elevada dos últimos anos.
Niveis máis altos de rendibilidade
Estes resultados deixáronse notar tamén de xeito económico na rendibilidade e ingresos hoteleiros. Deste xeito, a rendibilidade subiu máis do 8% e o sector hoteleiro obtivo uns ingresos totais nominais de preto de 13,8 millóns de euros no mes de febreiro, cifra que supera o dato do pasado ano (nun 8,4%) así como o valor previo á pandemia.
A Xunta de Galicia traballa por consolidar e manter estes resultados neste mes de marzo, coa chegada da Semana Santa, e pon en valor a oferta turística vinculada coa natureza, o Camiño de Santiago, os destinos urbanos e o enoturismo nestas datas. As previsións do sector, encabezadas polo Clúster de Turismo de Galicia, son optimistas con ocupacións que se situarán entre o 70 e o 80%, con picos de ata o 90% nalgúns destinos. Segundo as súas estimacións, o turista maioritario será de proximidade, aínda que destaca notablemente o peso do turista internacional, sobre todo procedente de Portugal, Francia e os Estados Unidos.
A Xunta de Galicia puxo en marcha a plataforma PRESENTES.gal, unha ferramenta pública destinada a visibilizar o talento feminino galego e facilitar a presenza de mulleres expertas nos espazos de debate, coñecemento e divulgación. Impulsada pola Consellería de Política Social e Igualdade, esta iniciativa constitúe a maior comunidade dixital de mulleres profesionais de Galicia, co obxectivo de facilitar que organizadores de eventos, institucións, empresas ou medios de comunicación poidan localizar referentes femininos nos distintos ámbitos profesionais.
O proxecto, que leva por nome Ways, usa o concepto do Camiño de Santiago para conectar á cidadanía coa ciencia inspirándose no espírito de intercambio e mobilidade que caracteriza á Ruta Xacobea. Con esta finalidade, proponse converter o proxecto nun percorrido europeo que une tres rexións: Galicia (España), Pomorskie (Polonia) e Emilia-Romagna (Italia) a través das cidades de Santiago, Gdynia, Rávena e Módena. A Comisión Europea é a institución encargada da convocatoria, denominada Science Comes to Town e que acada a súa terceira edición. A través dela, financia iniciativas que achegan a ciencia á sociedade. Apoia a organización de eventos públicos como festivais, obradoiros ou actividades educativas co obxectivo de promover a cultura científica, fomentar o interese pola investigación e fortalecer a relación entre ciencia e cidadanía.
