viernes, 6 de noviembre de 2026
O obxectivo é dispoñer de salas de audiencia totalmente virtuais, nas que se poidan levar a cabo accións telemáticas con plena seguridade xurídica e mellorar o acceso a distancia da cidadanía aos servizos prestados pola Administración.
Outro dos fitos cumpridos é o da adxudicación do apoio aos proxectos tractores de dixitalización da Administración Xeral de Xustiza, que contou en Galicia cun orzamento de case 15 millóns de euros. No marco deste obxectivo dotouse o persoal de postos móbiles e deslocalizados, e estanse a dotar as instalacións de medios para a celebración dos actos procesuais, como conexión WIFI, melloras do sistema de videoconferencia, ou servidores hipercorvenxentes. Tamén se reforzou a ciberseguridade con diversas medidas, como a implantación de novas ferramentas e accións de formación.
Canto aos sistemas de información e canles dixitais, trabállase para avanzar na dixitalización e interoperabilidade das Oficinas de Atención ás Vítimas de Delito (OAVD) e do Instituto de Medicina Forense de Galicia (Imelga), así como no expediente xudicial electrónico e na dixitalización de libros do Rexistro Civil, entre outros proxectos, coa previsión de que estean rematados .
Os avances na dixitalización da Administración de Xustiza en Galicia enmárcanse no III Plan Tecnolóxico da Administración da Xustiza en Galicia. Senda 2025, que busca a consolidación dixital da xustiza, para facela máis próxima á cidadanía con capacidade para ofrecer uns servizos máis personalizados e adaptados ás súas necesidades. O Plan conta cun investimento de 43 millóns de euros en cinco anos, o que supón un incremento do 68% respecto do investimento dos dous plans anteriores, Senda 2014 e Senda 2020, que mobilizaron 50 millóns de euros en dez anos para avanzar na dixitalización da xustiza galega.
Resposta ás demandas da quenda de oficio
Diego Calvo aproveitou tamén a súa quenda de intervención para lamentar que o Ministerio non incluíse na orde do día as demandas de avogados e procuradores de oficio, en folga desde finais do pasado ano, e cuxa resposta non pode deixarse unicamente en mans das comunidades autónomas. É preciso resolver a demanda dun novo estatuto e abordar un plan de choque para facerlles fronte ás consecuencias derivadas dos paros que se foron sucedendo nos últimos meses entre diferentes colectivos do eido xudicial, apuntou.
Neste eido, Calvo referiuse tamén ao incremento salarial reclamado polas organizacións sindicais. A este respecto insistiu na necesidade de que o Ministerio peche un acordo para que o aumento recaia no salario ou complemento xeral ao tratarse dun corpo nacional, e non repercuta nos presupostos autonómicos.
Por outra banda, no decurso da xuntanza acordouse non someter a decisión a aprobación do decálogo sobre Xustiza dos coidados proposto polo Ministerio como piar básico para impulsar unha Administración de Xustiza máis próxima á cidadanía e que teña en conta todas as necesidades. Neste sentido, Diego Calvo sinalou que en Galicia xa se están a aplicar os principios recollidos no documento cos recursos humanos e materiais proporcionados pola Xunta, ofrecendo así unha xustiza eficaz, accesible e de calidade que dá resposta cando se precisa con especial atención ás persoas vulnerables e que precisa este decálogo unha maior ampliación de dereitos e de persoas.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
