martes, 3 de noviembre de 2026
Na compaña do xerente da área sanitaria de Vigo, Javier Puente; o xerente da Axencia Galega de Coñecemento en Saúde (ACIS), Antonio Fernández-Campa; e do presidente da AFAGA Alzhéimer, Juan Carlos Rodríguez; Comesaña remarcou que a Xunta continúa coa súa aposta decidida por un Servizo Galego de Saúde innovador e referente a nivel europeo, unha folla de ruta que xa lle supuxo o máximo recoñecemento da Unión Europea, como rexión de referencia no desenvolvemento de prácticas para un envellecento activo e saudable.
O proxecto Innov4Life contribuirá a pechar a brecha entre os axentes innovadores e os usuarios finais que forman parte do grupo demográfico ao que se dirixen estas solucións em saúde. Deste xeito, crearanse as condicións para poder valilidar estas solucións dixitais, posibilitando a súa proba, recepción e adopción entre os usuarios finais, e dentro da súa propia contorna.
Coa coordinación do Centro de Competencia para o Envellecemento Activo e Saudable da Universidade do Porto Porto4Ageing, un total de sete organizacións forman parte deste consorcio.
Neste senso, catro delas son galegas: a Universidade de Santiago de Compostela (USC); o Servizo Galego de Saúde (SERGAS) a través da Área sanitaria de Vigo; a Axencia Galega de Coñecemento en Saúde (ACIS); e AFAGA Alzheimer. Así mesmo, o Parque de Ciência e Tecnologia da Universidade do Porto (UPTEC) e a Santa Casa dá Misericórdia de Riba de Ave, serán os representantes por parte de Portugal.
O evento estenderase durante dous días, e incluirá unha visita ao Instituto de Investigación Biomédica Galicia Sur, conducida pola súa Directora Científica, Eva Póveda.
Galicia, referente en proxectos de envellecemento activo
Esta iniciativa continúa coa traxectoria de Galicia que a levou a ter o recoñecemento por parte da Comisión Europea como rexión de referencia europea -con catro estrelas-, no desenvolvemento de prácticas innovadoras, no marco da iniciativa estratéxica European Innovation Partnership on Active and Healthy Ageing (EIP on AHA).
O LivingLab de Saúde de Vigo será o segundo tras a experiencia em Ourense da rede LABSAÚDE, e contará coa colaboración do Servizo Galego de Saúde, Universidades, centros de investigación, empresas, organismos de apoio do sector da biomedicina e da biotecnoloxía e á sociedade. Trátase dun espazo de creación, que promove a innovación, a transferencia de coñecemento e o desenvolvemento dun tecido empresarial emprendedor no eido da saúde.
A nivel europeo, actualmente están en marcha seis proxectos europeos xunto con Innov4Life cun orzamento, e que superan os 25 millóns de euros de investimento. Entre os mesmo destacan: Procure4health para a creación dunha rede europea de compra pública de innovación en saúde (5 millóns); Circe para a transferencia e implantación de boas prácticas en atención primaria (12,2 millóns); Invest4Health que procura novos modelos de financiamento para os sistemas sanitarios (5,5 millóns); TransfireSaúde cuxo obxectivo é o impulso da integración do ecosistema de I+D+i eurorexional en saúde (2,5 millóns); e Hercules centrado na medicina personalizada e o fomento do envellecemento activo e saudable da poboación (1,6 millóns).
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
