lunes, 20 de abril de 2026
O Bono Deporte pretende ademais promover o deporte base e os valores do deporte entre a rapazada da nosa comunidade, complementando así outras iniciativas da Xunta de Galicia como o Programa Xogade.
O Bono Deporte pode descargarse ata o 29 de febreiro, e unha vez descargado a contía queda reservada para o beneficiario, contía que se poderá empregar ata o 1 de xullo nun dos más dos 700 establecementos adheridos. O primeiro paso é darse de alta na web bonodeporte.gal, e unha vez recibido o SMS de validación, o bono pode ser activado e descargado nunha aplicación wallet en formato dixital mediante un código QR.
Coa contía asignada, as familias beneficiarias poden adquirir material e equipamento deportivo, e tamén afrontar o pago de actividades deportivas, como cotas de clubs, clases, monitores ou cursos. Os gastos realizados vanse descontando da contía total (IVE incluído), simplemente amosando o código QR no momento do pago en establecementos e entidades adheridos, que estarán identificados co distintivo da campaña. Estas entidades accederán á aplicación do Bono Deporte, que validará e calculará o prezo final con desconto. Este desconto será aplicado ao prezo final e se descontará do wallet do cliente.
Para calquera dúbida ou suxestión, este programa pon ao dispor da cidadanía o seguinte correo electrónico: bonodeporte@xunta.gal.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
