martes, 1 de julio de 2025
A Xunta colabora cun orzamento superior aos 150.000 euros coordinando accións relacionadas co fortalecemento do ecosistema e da cadea de valor, así como a capacitación. Tamén intervirá no desenvolvemento de pilotos demostrativos, xestión e coordinación, entre outras cuestións.
Na súa intervención, Fernández Vila, destacou as accións que desde a Xunta de Galicia se están realizando para impulsar o hidróxeno verde como o fomento do aproveitamento de novas fontes de enerxía, a creación dun hub de hidróxeno renovable, programas de formación e mesmo a próxima convocatoria de axudas destinadas a proxectos con gases de orixe renovable.
O director xeral asegurou que Galicia e o norte de Portugal teñen potencial, polo que deben aproveitar esta oportunidade para posicionarse como rexión referente en canto a xeración, almacenamento, consumo e tecnoloxías relacionadas co hidróxeno verde, o que permitirá avanzar no proceso de descarbonización, xerar un impacto positivo no tecido produtivo, mellorar a calidade de vida da cidadanía e reforzar a súa posición no eido enerxético sustentable.
A primeira fase do piloto do proxecto Xenoma Galicia permitiu detectar, entre os máis de 1.000 participantes aos que se lle recolleu unha mostra de sangue, 14 novos casos de alto risco para as patoloxías investigadas de cancro de mama e ovario hereditario, síndrome de Lynch e hipercolesterolemia familiar. A Consellería de Sanidade presentou esta mañá ante o Consello da Xunta un informe de situación do piloto do proxecto Xenoma Galicia. Cun investimento de 20 millóns de euros, o Goberno galego márcase o obxectivo de recompilar o ADN de 400.000 persoas. Pola porcentaxe de poboación incluída, Xenoma Galicia é un dos proxectos de maior envergadura do mundo. Permitirá ofrecer tratamentos farmacolóxicos individualizados, predicir o risco de enfermidades antes de apareceren para poder anticiparse a elas e evitalas grazas ao estudo do xenoma e da historia clínica.
No marco do Plan de Actuacións fronte aos posibles efectos das altas temperaturas sobre a saúde, a Xunta de Galicia vén de rebaixar a alerta por altas temperaturas aos niveis 1 e 2. Deste xeito, a vaga de calor iniciada pasado venres, que na xornada de onte acadou o nivel 3 de alerta en diversas áreas de Galicia, agora queda establecida nos dous primeiros niveis de alerta. En concreto, as zonas que ficarán no nivel 2 son o noroeste de Ourense, o interior de Pontevedra, así como o Centro e a Montaña da provincia de Lugo. Pola súa banda, defínese o nivel de alerta 1 por vaga e calor as zonas do interior de Coruña, o sur de Lugo, Miño de Ourense, montaña de Ourense, sur de Ourense, Valdeorras, litoral de Pontevedra e a zona Miño de Pontevedra.
