lunes, 2 de noviembre de 2026
Ana Ramos subliñou a importancia da dimensión rexional dos ODS, posto que son as rexións as que dispoñen de información máis precisa para facer un seguimento dos obxectivos, ao tempo que poden articular estratexias de desenvolvemento máis estreitamente vinculadas á cidadanía. Ademais, lembrou que, a pesar de que a consecución do 65% dos ODS dependerá das aportacións dos entes locais e rexionais, a súa localización enfróntase a diversos desafíos, como a falta de coordinación entre os diferentes niveis de gobernanza ou, especialmente, a falta de recursos financeiros suficientes.
A sesión contou coa participación de Laia Pinós Mataró, xefa adxunta de unidade na Secretaría Xeral da Comisión Europea, quen ilustrou o compromiso da Unión Europea coa Axenda 2030 e cos ODS, patente na presentación ante as Nacións Unidas, o pasado xullo, da súa primeira revisión voluntaria da aplicación dos Obxectivos.
A perspectiva galega foi ofrecida por Isaac Gómez Piñeiro, subdirector xeral de Meteoroloxía e Cambio Climático. Desde a Xunta avalíase a posta en marcha da Axenda 2030 na comunidade. Galicia conta cunha comisión interdepartamental para o seguimento dos ODS e varias iniciativas de relevancia para implantalos, como a Alianza Galega polo Clima, unha oficina de coordinación do Pacto das Alcaldías ou unha futura Lei do Clima.
Encontros virtuais entre a Xunta e as institucións europeas
O ciclo de encontros FGE | NextGeneratiOn Galicia reúne mensualmente á Xunta de Galicia con representantes das institucións europeas para abordar, de forma conxunta, as políticas impulsadas desde a UE. Organizado pola Fundación Galicia Europa dende setembro do 2020, fomenta o debate de multitude de temas da axenda comunitaria, como a Estratexia Industrial para Europa, o Pacto Verde ou a Axenda Dixital Europea.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
