domingo, 21 de junio de 2026
A actividade inspectora reforzarase e, así, o Plan aprobado hoxe prevé un incremento do 2% das actuacións a realizar ata chegar ás preto de 41.800. Mancha sinalou que, entre outros, incidirase máis no control das accións que desenvolven as empresas en materia de prevención de riscos laborais, co foco posto na construción, nos riscos psicosociais ou no control da prevención de riscos con enfoque de xénero. Así mesmo, intensificarase o labor de inspección nos traballos que se desenvolven en condicións ambientais adversas.
Farase fincapé, ademais, nas accións para combater o fraude na contratración temporal, ao tempo que se reforzará o control do tempo de traballo, con especial atención á redución de xornada. A inspección das condicións laborais nas cadeas de subcontratación tamén será prioritaria no 2024.
Mancha sinalou na xuntanza a importancia de que se reforce o persoal inspector en Galicia, xa que indicou que un sistema de inspección forte incide nunha mellor protección dos dereitos laborais e da saúde dos traballadores, así como nun maior control da sinistralidade no traballo, o que redundará nun incremento da competitividade das empresas.
Para rematar, puxo en valor o traballo que Xunta e Estado desenvolven en coordinación en materia de Inspección, sinalando que a falta dun mes para pechar 2023, as actuacións este ano xa supoñen a data de hoxe 5.000 máis que as realizadas no mesmo período do 2022.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
