sábado, 25 de octubre de 2025
Alfonso Villares fixo fincapé nestes asuntos durante a reunión mantida esta tarde co responsable da Comisión de Pesca da Eurocámara e celebrada en Vigo coincidindo coa xuntanza informal de ministros de Pesca da UE para debater sobre a descarbonización dos buques. A este encontro tamén asistiu o director xeral de Pesca, Acuicultura e Innovación Tecnolóxica, Antonio Basanta, e o presidente da Autoridade Portuaria de Vigo, Carlos Botana.
En relación con normativas como a prohibición da pesca de fondo, o conselleiro lamentou a falta de avaliacións rigorosas sobre o seu impacto e transmitiu a Pierre Karleskind que a Xunta seguirá defendendo os intereses da frota a todos os niveis para garantir o futuro da actividade pesqueira. Mostra disto é o recurso presentado pola Organización de Produtores Pesqueiros de Burela contra o veto á pesca de fondo no que a Xunta de Galicia foi admitida recentemente como parte coadxuvante polo Tribunal Xeral da UE.
A Administración galega tamén seguirá traballando para frear as pretensións de Bruxelas en relación coas restricións á pesca de arrastre que recolle o Plan de Acción sobre os fondos mariños. Nesta liña, Galicia pide á Comisión Europea que escoite ao sector e aos Estados membro para tomar decisións que atendan ao equilibrio entre os aspectos medioambientais e socioeconómicos.
Isto mesmo, engadiu Alfonso Villares, é necesario noutras cuestións como a Lei de restauración da natureza que está en tramitación e que na súa forma actual conducirá a unha menor produción de alimentos en Europa, elevando aínda máis os seus prezos. Neste ámbito a comunidade galega agarda que as distintas autoridades españolas e europeas realicen as xestións oportunas para que se reformule a proposta e se garanta a seguridade alimentaria e o futuro do sector primario.
Descarbonización
En canto á descarbonización da frota -o tema central do Consello de Ministros de Pesca organizado polo Goberno central na cidade olívica- Alfonso Villares expuxo a Pierre Karleskind o compromiso de Galicia a prol deste obxectivo, pero sempre que sexa de xeito equilibrado, xusto e asumible para o sector marítimo-pesqueiro. Para iso, sinalou o conselleiro, é fundamental que se teña en conta a baixa pegada de carbono da pesca, o marisqueo e a acuicultura e que a transición enerxética se realice cando haxa alternativas viables aos combustibles fósiles, que na actualidade non existen.
Neste encontro, o titular de Mar tamén lamentou a ausencia de representación de Galicia nas visitas e xuntanzas informais realizadas no marco do cumio de ministros de Pesca da UE e a escasa participación e presenza outorgada á Administración autonómica, malia que Galicia é a principal comunidade pesqueira de España e a máis importante da UE.
O Centro Dramático Galego colgará de novo o cartel de entradas esgotadas nas tres últimas funcións do seu espectáculo A serie clopen esta fin de semana no Salón Teatro de Santiago de Compostela, onde terá sido visto por arredor de 5500 persoas desde a súa estrea o pasado 11 de setembro. Tras os 33 pases ofrecidos na sede da compañía da Xunta, tamén completando as butacas dispoñibles en varias ocasións, o espectáculo iniciará a finais de mes unha xira que o levará a outros cinco escenarios de Galicia e Portugal. Así, a proposta dirixida por Pablo Reboleiro representarase o 30 de outubro no Teatro Académico de Gil Vicente de Coímbra como parte da programación da Mostra Galiza Coimbra 2025, organizada polos colectivos Cena Lusófona e A Escola da Noite e que conta co apoio económico da Consellería de Cultura, Lingua e Xuventude para ofrecer unha escolma de producións escénicas galegas, entre outras moitas actividades artísticas e formativas.
As empresas galegas que empregan Intelixencia artificial son xa o 15,7%, tras experimentar un crecemento do 51,1% no último ano. Crece tamén o uso do Cloud Computing, que pasou do 31,5% ao 38,2% no mesmo período de tempo. Son datos da enquisa sobre o uso das TIC e do comercio electrónico nas empresas 2024/2025, publicada hoxe polo Instituto Nacional de Estatística (INE) e que constatan o crecemento sostido das tecnoloxías innovadoras no tecido produtivo galego. Outro dos indicadores do grao de dixitalización das empresas galegas é a incorporación dos especialistas TIC. O 13,1% das empresas de máis de 10 empregados conta con este perfil profesional, un 4% máis no último ano, o que a converte a Galicia na novena Comunidade Autónoma con máis proporción de especialistas TIC no tecido empresarial.
