lunes, 20 de abril de 2026
O presidente da Xunta, Alfonso Rueda, destacou hoxe que as 139 bandeiras e distintivos azuis que recibe este ano Galicia acreditan o compromiso da comunidade coa conservación do patrimonio natural e consolídana como un referente do turismo seguro e sustentable. Durante a entrega dos distintivos deste ano, celebrada no concello coruñés de Arteixo, Rueda subliñou que Galicia "é a terceira comunidade con máis bandeiras azuis" e lembrou que "unha de cada cinco praias" con este distintivo en España é galega.
Este ano son 113 areais, 12 portos deportivos e 14 centros azuis (aulas do mar ou da natureza) os que acadan bandeira ou certificado azul pola calidade das súas augas, a xestión medioambiental e os servizos ofrecidos. Logran por primeira vez este distintivo as praias de Caranza (Ferrol) e O Adro (Vigo) e recupérano a praia de Rodeira (Cangas) e o porto de Pedras Negras (O Grove). Ademais Galicia conta con 35 sendeiros con bandeira azul -entregadas no mes de febreiro- que a sitúan como a comunidade con máis camiños que acadan esta distinción de todo o país.
O presidente resaltou que conseguir e manter estes galardóns é un traballo conxunto "entre as administracións" e subliñou "a importancia" que teñen estes distintivos como reclamo turístico. "Nun mundo cada vez máis globalizado, onde a xente busca máis información á hora de elixir unha praia ou onde pasar as vacacións é moi importante contar con indicios fiables como son as bandeiras azuis", indicou Rueda, quen lembrou que acadar esta distinción supón "un esforzo importante" para cumprir "cos criterios rigorosos do proceso, pero "merece a pena".
Rueda salientou que os galardóns hoxe entregados permiten consolidar Galicia como un destino seguro e sostible. "Temos un tesouro que coidar entre todos", indicou o presidente, que subliñou que "Galicia está de moda e debemos traballar para que non sexa unha moda pasaxeira". Nesta liña, instou a seguir mellorando as infraestruturas turísticas, os servizos portuarios e a garantir o pleno equilibrio entre a protección do medio ambiente e actividade socioeconómica como fai o Goberno galego a través da futura Lei de ordenación e xestión integrada do litoral.
Novo récord do sector turístico
O presidente lembrou que o ano pasado rexistráronse máximos históricos de turistas na comunidade e os últimos datos acreditan que a tendencia mantense neste 2023. No primeiro cuadrimestre chegaron 1,3 millóns de visitantes -un 19 % máis que no mesmo período de 2022- e bateuse récord histórico de pernotacións (2,3 millóns). Ademais, Galicia pechou maio co número de peregrinos máis alto acadado nunca nese mes: por riba dos 61.000, é dicir, case un 30 % máis que en maio de 2022.
En 2025, Lara Weed e Jamie M. Zeitzer, da Universidade de Stanford, publicaron un artigo no que se relacionaba a práctica do cambio estacional de hora con aspectos negativos para a saúse, tanto de sintomatoloxía aguda (infartos ou accidentes cerebrovasculares), como crónica (obesidade). Agora, os profesores José María Martín Olalla, da Universidade de Sevilla, e Jorge Mira Pérez, da Universidade de Santiago de Compostela, tras analizar a metodoloxía aplicada neste estudo, constataron que 'o que o mundo leu como unha evidencia científica contra o cambio de hora resultou ser unha ilusión matemática'. A mesma revista que difundiu o polémico artigo, PNAS (Proceedings of the National Academy of Sciences), acaba de publicar una carta firmada por Martín Olalla e Mira Pérez na que se evidencia que as conclusións do estudo non están soportadas por indicios reais.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
