viernes, 9 de mayo de 2025
Precisamente, durante o acto de clausura celebrado onte, a directora xeral de Patrimonio Natural, Belén do Campo, puxo á reserva coruñesa como un bo exemplo de equilibrio respectuoso entre natureza e sociedade, un binomio que, dixo, tamén se dá no caso do Parque Nacional. Por iso, felicitouse pola recente certificación das Illas Atlánticas como destino ecoturístico.
Neste sentido , Do Campo subliñou que o turismo sostible e responsable é unha peza clave para o presente e o futuro dos territorios, tanto a nivel autonómico como local, polo que os espazos naturais en especial, os protexidos teñen que poñerse en valor e considerarse un valor engadido á hora de atraer un maior número de visitantes.
Desde este punto de vista, a directora xeral considerou que Galicia parte dunha posición de vantaxe xa que se trata dun dos lugares con máis biodiversidade en canto ao seu ecosistema e un dos destinos máis desexados para quen busca natureza, gastronomía e cultura, aspectos cada vez máis valorados entre os turistas españois, tal e como indican os últimos datos recompilados polo Observatorio Nacional do Turismo.
O ecoturismo é o presente e tamén o futuro, por iso debemos conservar o noso patrimonio natural e cultural, a nosa forma de vivir e os nosos hábitos e costumes, poñendo en valor o seu goce e desfrute responsable, declarou.
Nesta liña enmarcou a evolución do número de visitantes que cada ano reciben os espazos naturais protexidos de Galicia, salientando concretamente as máis de 456.000 persoas que se achegaron ata setembro ao Parque Nacional das Illas Atlánticas, os case 50.000 visitantes que se estima que recibirán en 2022 os seis parques naturais da Comunidade, ou as 250.000 visitas que se rexistraron só este verán no Monumento Natural Praia das Catedrais, un dos destinos estrela entre o turismo interior e nacional.
Cita de referencia
O Congreso Nacional de Ecoturismo está considerado xa unha cita de referencia en todo o país para administracións públicas, xestores turísticos e empresas relacionadas co sector, sobre todo, aquelas especializadas no turismo verde e sostible.
No caso desta edición, representantes de 16 comunidades reuníronse no Pazo de Mariñán desde o pasado martes e ata hoxe co obxectivo de abordar o presente e o futuro do ecoturismo desde diferentes perspectivas, a aposta que están a facer determinados espazos protexidos por selos e marcas de calidade como é o caso das Mariñas coruñesas ou iniciativas e proxectos sostibles que contribúen a reducir a pegada ecolóxica, un tema clave nun momento no que as políticas e medidas fronte ao cambio climático ocupan un lugar prioritario a nivel mundial.
A Mostra Internacional de Teatro Cómico e Festivo de Cangas presentou hoxe a programación da súa 42ª edición, que se celebrará entre os días 22 de xuño e 6 de xullo no Auditorio Municipal Xosé Manuel Pazos Varela, así como nas rúas e noutros espazos da vila do Morrazo, que acollerán 26 espectáculos e un nutrido programa de actividades lúdicas e sectoriais. O certame, organizado desde 1984 pola Asociación Cultural Xiria, é un dos poucos festivais de teatro europeos cuxo principal selo de identidade é a comedia, unha marca consolidada e referente da produción escénica deste xénero en calquera das súas vertentes: negra, branca, xestual, contemporánea, circense, dramática, musical e, dende hai máis dunha década, tamén na danza.
A praza Conde de Fontao de Foz será o enclave elixido para a actuación extraordinaria do festival o 31 de xullo con La Carroza Del Real, mentres que o destacado pianista Denis Kozhukhin abrirá oficialmente o ciclo de concertos o 12 de agosto na Fortaleza de Alfoz. O 13 de agosto a Real Filharmonía de Galicia e o Coro da Comunidade de Madrid realizarán o primeiro concerto sinfónico-coral no que interpretarán o Réquiem de Mozart na Catedral de Mondoñedo. A clausura do XII Festival Bal y Gay será co barítono galego Borja Quiza, o 21 de agosto, no Teatro Pastor Díaz de Viveiro, cita na que tamén participarán o pianista Javier Carmena e a mezzosoprano Andrea Rey, nunha proposta que mesturará as raíces galegas e españolas.
