domingo, 11 de mayo de 2025
Lorenzana destacou, en primeiro lugar, a importancia da colaboración entre a Xunta e o Consello da Cultura Galega para poñer en marcha iniciativas encamiñadas a dar a coñecer entre a mocidade a loita de Galicia contra as diferentes discriminacións que seguen a existir na sociedade. Loitar contra as desigualdades e garantir os dereitos de todas as persoas é unha obriga de calquera sociedade democrática e tamén un imperativo legal, apuntou a conselleira, quen lembrou que Galicia foi a primeira comunidade autónoma en contar cunha Lei para garantir a igualdade de trato do colectivo LGTBI.
A titular de Promoción do Emprego e Igualdade, ademais, puxo en valor o traballo continuado que desenvolve o Observatorio galego contra a discriminación por orientación sexual e identidade de xénero e sinalou que para afianzar e facer perdurar os dereitos das persoas, sobre todo daqueles colectivos que foron historicamente máis vulnerables e discriminados, son necesarias leis, pero tamén conciencias libres e informadas. Así, indicou que a mostra Sen Cancelas propón un percorrido pola diversidade para deixar claro entre os máis novos que a identidade sexual e de xénero non poder ser nunca un obstáculo ou freo para alcanzar as súas metas. A mostra é unha mirada sen cancelas na que descubrir que a diversidade sexual e de xénero son exemplo de enorme riqueza e a través da que se poderá ter unha visión mundial dos fitos lexislativos para afianzar a liberdade.
A Mostra Internacional de Teatro Cómico e Festivo de Cangas presentou hoxe a programación da súa 42ª edición, que se celebrará entre os días 22 de xuño e 6 de xullo no Auditorio Municipal Xosé Manuel Pazos Varela, así como nas rúas e noutros espazos da vila do Morrazo, que acollerán 26 espectáculos e un nutrido programa de actividades lúdicas e sectoriais. O certame, organizado desde 1984 pola Asociación Cultural Xiria, é un dos poucos festivais de teatro europeos cuxo principal selo de identidade é a comedia, unha marca consolidada e referente da produción escénica deste xénero en calquera das súas vertentes: negra, branca, xestual, contemporánea, circense, dramática, musical e, dende hai máis dunha década, tamén na danza.
A praza Conde de Fontao de Foz será o enclave elixido para a actuación extraordinaria do festival o 31 de xullo con La Carroza Del Real, mentres que o destacado pianista Denis Kozhukhin abrirá oficialmente o ciclo de concertos o 12 de agosto na Fortaleza de Alfoz. O 13 de agosto a Real Filharmonía de Galicia e o Coro da Comunidade de Madrid realizarán o primeiro concerto sinfónico-coral no que interpretarán o Réquiem de Mozart na Catedral de Mondoñedo. A clausura do XII Festival Bal y Gay será co barítono galego Borja Quiza, o 21 de agosto, no Teatro Pastor Díaz de Viveiro, cita na que tamén participarán o pianista Javier Carmena e a mezzosoprano Andrea Rey, nunha proposta que mesturará as raíces galegas e españolas.
