domingo, 9 de agosto de 2026
Este programa de axudas consta de dúas liñas perfectamente diferenciadas:
- Dixitalización: diversos apoios para a implantación de solucións tecnolóxicas, como páxinas web, adquisición de equipos informáticos, ferramentas de márketing dixital, loxística para e-commerce, sistemas dixitais para o control de acceso e para a xestión integrada de stocks nos puntos de venda, xestores de redes sociais ou mantemento das páxinas web. A contía destas axudas poderá acadar os 17.600 , dependendo de diversos aspectos como o posicionamento previo do posible beneficiario, o número de empregados, ou a existencia ou non de tenda física.
- Modernización: colaboracións para a adquisición de equipos propios da actividade comercial ou artesanal. Neste caso, as axudas poderán acadar os 5.600 .
En calquera das liñas anteriores, a intensidade da axuda é do 80% do investimento subvencionable, e o prazo de presentación de axudas está aberto do 24 de maio ao 23 de xuño (publicado no DOG o 23 de maio).
Ademais desta convocatoria, hai outras axudas que poden solicitarse actualmente centradas no fomento da comercialización da Artesanía de Galicia, cun orzamento total de 265.000 . Nelas, os obradoiros artesanais poden solicitar ata 8.000 para a participación en feiras nacionais ou internacionais.
Finalmente, os concellos e asociacións de profesionais e empresarios artesanais que organicen feiras no ámbito da nosa comunidade, poden optar a subvencións de ata 15.000 e 18.000 , respectivamente.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
