miércoles, 24 de junio de 2026
O Festival Internacional de Teatro do Alentejo representa o grande escenario do sur de Portugal, cunha programación de calidade que nesta edición ten España como país convidado. A función de Ás oito da tarde, cando morren as nais insírese neste contexto e terá lugar o xoves, ás 21,00 horas, no Auditorio Pax Julia de Beja.
Pola súa banda, Coímbra acollerá o espectáculo do CDG no Teatro da Cerca de São Bernardo o sábado 14, ás 21,30 horas. Nesta localidade, os días previos á función, a autora do texto, AveLina Pérez, participará en distintas actividades organizadas por Cena Lusófona-Associaçâo Portuguesa para o Intercâmbio Teatral, en colaboración coa compañía de teatro A Escola da Noite e o Teatro Académico de Gil Vicente. Entre elas figura a presentación da publicación Antologia de Teatro Galego Contemporâneo, unha escolma de textos de diferentes autores de Galicia na que se inclúe o que deu pé a Ás oito da tarde, cando morren as nais. O acto contará tamén coa presenza do director do CDG, Fran Núñez.
Presentación en Cedeira
Con Camila Bossa, Sabela Domínguez, Xosé Manuel Esperante, Davide González, María Llanderas, Alba Loureiro e Toni Salgado no elenco, Ás oito da tarde, cando morren as nais regresa aos escenarios galegos en Cedeira, onde foi presentada esta mañá nunha rolda de prensa coa participación de Fran Núñez. Estará do 19 ao 22 de maio no Auditorio Municipal, cunha función para centros de ensino de Secundaria e de Bacharelato o xoves, e sesións para o público xeral o venres e o sábado, ás 21,00 h., e o domingo, ás 19,00. As entradas están xa á venda a través da web ataquilla.com e poderán adquirirse tamén no despacho de billetes.
Grazas ao programa de mobilidade do CDG, veciñanza de Ares e das Somozas desprazarase a Cedeira para gozar do espectáculo. A xira de Ás oito da tarde, cando morren as nais continúa na última semana de maio en Catoira e péchase na Estrada na primeira fin de semana de xuño.
O equipo artístico do espectáculo confórmano Rut Balbís, como responsable do movemento, Hugo Torres, do espazo sonoro, Nuno Meira, da iluminación, e Blanca Añón, da escenografía. Pola súa banda, Pier Paolo Álvaro e Esther Quintas asumen o vestiario e a caracterización, respectivamente. Nas asistencias figuran Iria Azevedo, na de dirección, Pablo Chaves Maza, na de escenografía, Roger Portal Cervera, na de vestiario, e Xandre Vázquez, na de produción.
A Xunta de Galicia vén de remitir ás organizacións sindicais a proposta para adiantar a 2028 a redución de ratios na etapa de Secundaria, que será abordada na Mesa Sectorial Docente que terá lugar o vindeiro día 30. A documentación elevada pola Consellería de Educación, Ciencia, Universidades e FP recolle que a partir de setembro de 2028 implantarase a redución de ratios ata 25 alumnos por aula na ESO fronte aos 30 vixentes no conxunto de España. Esta diminución arrancará para 1º curso de ESO e irá implementándose ano a ano e curso a curso. Unha vez completada toda a etapa de ESO, arrancará a redución a 30 alumnos por aula en Bacharelato, fronte aos 35 a nivel estatal, aínda que en Galicia xa está a 33.
O presidente da Xunta, Alfonso Rueda, anunciou o nome dos galardoados coas Medallas Castelao 2026, despois de que o Consello aprobase concedérllelas ao músico Esteban Batallán Cons, á científica Mar Capeáns Garrido, ao atleta Adrián Ben, á propietaria dos restaurantes La Penela, María Barallobre, e á Fundación Andrea. É un dos recoñecementos máis importantes da nosa Comunidade. O Consello acordou recoñecer o traballo da Fundación Andrea, que apoia de xeito integral ás familias con nenos con enfermidades de longa duración, crónicas ou terminais.
