sábado, 8 de agosto de 2026
Logo de explicar que esta medida se impulsa tras coñecer que moitas estacións de servizo, sobre todo as pequenas e independentes, están tendo moitas dificultades ao non recibir os anticipos comprometidos polo Executivo central, Feijóo explicou que se articulará a través dun convenio entre Igape, as sociedades de garantía recíproca e as entidades financeiras no que se avalarán operacións por un máximo de 80 M a través de catro liñas de financiamento.
A primeira delas, que segundo indicou prevé chegar ata os 60M, está destinada a reavais para axudar ás pemes máis expostas á crise de prezos. Máis polo miúdo, o presidente da Xunta subliñou que para poder acceder a este financiamento deberán cumprir unha serie de requisitos como que os préstamos oscilen entre os 3.000 e os 300.000 euros, que o prezo das materias primas se incrementara un 50% en xeral ou un 20% no caso das gasolineiras en comparación con 2021, que o gasto de combustible ou enerxía superase o 25% con respecto ao ano pasado ou que teñan unha maior exposición comercial aos mercados de Rusia e Ucraína.
Ademais, subliñou, tamén poderán acollerse a unha segunda liña chamada reaval funcionamento, dirixida a créditos avalados para financiar tráfico comercial -adianto de efectos comerciais e facturas, pólizas de pagamento a provedores e de comercio exterior-.
Finalmente, Feijóo lembrou que como complemento hai que ter en conta dúas liñas máis ligadas a outras actividades económicas como son os reavais para préstamos avalados a longo prazo para investimentos produtivos ou circulante estrutural por parte das pemes e reavais para garantías ante terceiros ligadas a operacións de tráfico ou avais técnicos.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
