domingo, 11 de octubre de 2026
Nesta liña, remarcou que, pola súa banda, Galicia fixo os deberes e cumpriu en todo momento, cunha candidatura sólida, construída cos sectores estratéxicos da Comunidade: automoción -co proxecto AutoÁncora-; biotecnoloxía e saúde personalizada -crear unha nova fábrica de vacinas ou a consolidación da incubadora de novos fármacos-; agroalimentario -con proxectos como o de Anfaco-Cecopesca-; economía circular -cun centro de transformación de xurros en fertilizantes e biogás-; e forestal -cunha fábrica de fibras téxtiles-.
Aposta por unha comarca de Pontevedra con máis e mellores servizos
O titular da Xunta aseverou que a pandemia e a recuperación aloxan retos e grandes oportunidades e aproveitou a súa intervención para poñer en valor o traballo do tecido produtivo galego e, en particular, do da provincia de Pontevedra, que fixeron posible que, durante a covid, a economía galega resistise mellor. Así, e a modo de exemplo, resaltou que en 2021 o tecido empresarial pontevedrés rachou a barreira dos 12.000 millóns de euros en exportacións, o que contribuíu a que Galicia superase por primeira vez os 25.000 millóns de euros.
Neste camiño, Feijóo reiterou o compromiso da Administración autonómica cunha comarca de Pontevedra con máis e mellores servizos, reflectido nun novo hospital, o Gran Montecelo, que, cun investimento de máis de 130 millóns de euros, estará finalizado entre finais de 2023 e comezos de 2024; nunha estación intermodal, que estará rematada nesta primeira metade do ano; ou nun investimento de 50 millóns de euros ata 2023, para o saneamento da Ría.
Así mesmo, subliñou que a semana pasada a depuradora de Praceres superou un novo trámite coa aprobación do informe de impacto ambiental; e avanzamos tamén na construción do novo emisario submarino, na mellora do bombeo de Cocheras, no saneamento do río Lameira en Marín ou nos novos bombeos da Seca e Porto Campelo en Poio, engadiu.
Logo de resaltar os case 14 millóns investidos para a mellora de 10 centros de Pontevedra, como o IES Valle Inclán, e a ampliación do albergue para dar un mellor servizo aos peregrinos do Camiño Portugués; o responsable autonómico confirmou unha achega, neste 2022, de 2,6 millóns de euros para a residencia de maiores de Campolongo, así como o inicio, proximamente, das obras da nova residencia impulsada pola Fundación Amancio Ortega. Ademais dun orzamento de 20 millóns euros para proxectos como: a mellora da residencia pública de Marín, a depuradora de Vilaboa, a nova planta de transferencia de residuos da Lama ou a remodelación no porto de Bueu.
Por outra banda, e en materia de infraestruturas, destacou o plan de sendas na comarca e no Morrazo, que rolda os 20 millóns de euros; o proxecto para humanizar e mellorar a estrada vella de Marín, cuxo primeiro proxecto licitarase neste primeiro semestre.
O presidente do Goberno galego aproveitou a tribuna para defender que hai unha solución para a continuidade de Ence, como reflicte a proposta para adscribir os terreos da pasteira á Autoridade Portuaria de Marín; ao tempo que salientou tamén a interposición dun recurso de inconstitucionalidade por parte da Xunta sobre a Lei de Cambio Climático do Goberno, para disipar o risco de continuidade de 5.000 edificacións -conserveiras, depuradoras, colexios, centros de saúde, etc- na costa.
Foi presentada a novena edición de Intersección, Festival Internacional de Cine da Coruña, celebrada nos Cantones Cines. O festival desenvolverase do 13 ao 17 de outubro cunha programación que combina proxeccións, exposicións, formación e encontros profesionais arredor das novas linguaxes cinematográficas. Así, as seccións competitivas Galicia, Internacional e Fulgor achegarán ao público obras afastadas dos circuítos comerciais habituais e novas voces da creación audiovisual contemporánea. En concreto, a sección Internacional reúne 27 filmes procedentes de 22 países, entre os que figuran catro estreas mundiais, 17 en España e cinco en Galicia. As propostas exploran cuestións como a tecnoloxía, a memoria, o territorio e a identidade desde linguaxes e xeografías diversas.
A Real Academia Galega de Ciencias (RAGC) celebrou en Santiago, no Salón Nobre do Colexio de Fonseca, o acto do Día da Ciencia en Galicia, no que se homenaxeou á oceanógrafa Aida Fernández Ríos (Vigo, 1947 - Moaña, 2015) como Científica Galega 2026. Ademais, entregáronse as Medallas de Investigación a cinco científicas e científicos da nosa comunidade. O presidente da Academia destacou que 'Aida Fernández Ríos foi unha investigadora capaz de identificar problemas relevantes e de situalos nun contexto internacional, converténdose nunha científica respectada moito máis alá de Galicia.
