domingo, 26 de octubre de 2025
García Comesaña tamén subliñou que desde hoxe mesmo, a Xunta de Galicia puxo a disposición da cidadanía un segundo test gratuíto destinado aos rapaces de 5 a 11 anos, a través das oficinas de farmacia. Neste senso, apuntou que o Sergas está a enviar SMS aos pais e nais destes rapaces, para indicarlles que poden recoller os test, ademais de incorporar unha ligazón na que se achega un tutorial para levar a cabo un correcto emprego da toma das mostras.
Ademais, o conselleiro de Sanidade lembrou que as persoas que obteñan un resultado positivo neste tipo de probas diagnósticas, deberán poñelo en coñecemento das autoridades sanitarias a través do teléfono 881 540 045, ou ben, desde a xornada de hoxe, a través do formulario habilitado na web do Servizo Galego de Saúde. Neste último caso, tras incorporar os eus datos persoais, o sistema xerará unha chamada telefónica co ánimo de coñecer o estado de saúde do novo positivo, os seus contactos estreitos, ademais de achegar as recomendación sanitarias precisas.
Así mesmo, as persoas que realicen test nas propias oficinas de farmacia, co asesoramento do seu persoal, no caso de ser positivos pasarán a estar rexistrado de xeito automático no sistema sanitario público galego.
Pola súa banda, o conselleiro de Cultura, Educación e Universidade quixo compartir unha mensaxe de tranquilidade cos membros do Comité Educativo. Neste sentido, lembrou que os centros de ensino permaneceron abertos tanto o pasado curso, como este, grazas ao correcto funcionamento dos protocolos e ao esforzo de toda a comunidade educativa en xeral.
No referido ao persoal docente, o titular do departamento educativo da Xunta explicou que hoxe mesmo "xa se están facendo os chamamentos para cubrir as máis de 200 baixas que figuran neste momento no sistema, para que o día 10 se poidan incorporar aos centros respectivos o profesorado substituto. As restantes iranse cubrindo, dun xeito inmediato, unha vez os centros estean operativos e as carguen no sistema.
Román Rodríguez sinalou que os departamentos de Educación e Sanidade continúan, como desde o principio da pandemia, traballando en estreita colaboración. Así mesmo, estase a intensificar a coordinación coas xefaturas territoriais, co propio Comité Educativo e cos diferentes axentes implicados, co fin de iniciar este segundo trimestre coas maiores garantías.
O conselleiro incidiu, ademais, en que a incidencia da covid-19 na comunidade educativa reflicte a situación xeral da pandemia. No inicio de curso prevemos ter un aumento dos casos, ao igual que está sucedendo no resto da sociedade, debido ao incremento das interaccións sociais, explicou.
O Centro Dramático Galego colgará de novo o cartel de entradas esgotadas nas tres últimas funcións do seu espectáculo A serie clopen esta fin de semana no Salón Teatro de Santiago de Compostela, onde terá sido visto por arredor de 5500 persoas desde a súa estrea o pasado 11 de setembro. Tras os 33 pases ofrecidos na sede da compañía da Xunta, tamén completando as butacas dispoñibles en varias ocasións, o espectáculo iniciará a finais de mes unha xira que o levará a outros cinco escenarios de Galicia e Portugal. Así, a proposta dirixida por Pablo Reboleiro representarase o 30 de outubro no Teatro Académico de Gil Vicente de Coímbra como parte da programación da Mostra Galiza Coimbra 2025, organizada polos colectivos Cena Lusófona e A Escola da Noite e que conta co apoio económico da Consellería de Cultura, Lingua e Xuventude para ofrecer unha escolma de producións escénicas galegas, entre outras moitas actividades artísticas e formativas.
As empresas galegas que empregan Intelixencia artificial son xa o 15,7%, tras experimentar un crecemento do 51,1% no último ano. Crece tamén o uso do Cloud Computing, que pasou do 31,5% ao 38,2% no mesmo período de tempo. Son datos da enquisa sobre o uso das TIC e do comercio electrónico nas empresas 2024/2025, publicada hoxe polo Instituto Nacional de Estatística (INE) e que constatan o crecemento sostido das tecnoloxías innovadoras no tecido produtivo galego. Outro dos indicadores do grao de dixitalización das empresas galegas é a incorporación dos especialistas TIC. O 13,1% das empresas de máis de 10 empregados conta con este perfil profesional, un 4% máis no último ano, o que a converte a Galicia na novena Comunidade Autónoma con máis proporción de especialistas TIC no tecido empresarial.
