miércoles, 30 de septiembre de 2026
O secretario xeral de Política Lingüística, Valentín García, participou esta mañá na presentación oficial do Festival Maré 21, que chega á súa 17ª edición, a segunda en Santiago de Compostela, onde se celebrará do 23 ao 26 de setembro en distintos escenarios como o Teatro Principal, o Auditorio de Galicia e, por primeira vez, en emprazamentos do patrimonio monumental, clubs e o Parque de Santo Domingo de Bonaval. Un ano máis conta co apoio económico da Xunta tanto a través da marca FEST Galicia para a promoción da nosa comunidade como un destino musical seguro e de calidade, como por ser un dos eventos adxudicatarios das subvencións da Consellería de Cultura, Educación e Universidade a festivais profesionais de música.
O representante da Consellería de Cultura, Educación e Universidade recordou o com-promiso económico e institucional do Goberno autonómico con festivais como este para os que se incrementaron os fondos ao abeiro de diferentes medidas do Plan de re-activación do sector cultural fronte aos efectos da covid-19. Así, é un dos festivais inte-grados na marca FEST Galicia que este ano reforzouse no marco da celebración do Xa-cobeo 21-22 cun investimento de 500.000 euros, un 25% máis que en 2020, para patro-cinar os 14 festivais adheridos. Ademais, é un dos 19 eventos adxudicatarios das sub-vencións a festivais profesionais de música que tivo que ser suspendida en 2020 ante a imposibilidade de levar a cabo os eventos nos seus formatos habituais. Esta liña de axu-das distribúe outros 340.000 euros entre os 19 encontros beneficiarios como este.
Maré constitúe unha cita moi importante na visibilización do gran potencial que a cultura galega ten coa Lusofonía, indicou o representante da Xunta, que salientou que na actualidade xa dá cabida tamén a músicas e creacións culturais de todo o mundo que enriquecen e dialogan coa cultura galega para engrandecela e medrar de forma conxunta.
Canda Valentín García tamén asistiron a este acto no Parque de Santo Domingo de Bonaval o promotor do festival, Vítor Belho, a concelleira de Acción Cultural do Concello de Santiago, Mercedes Rosón, e Alberto Mira Berto e Fernando Peleteiro Fer, integrantes do dúo Verto, participante no Maré 21.
Máis de 30 propostas musicais e artísticas en catro días
Na súa 17ª edición, este festival será lugar de encontro de artistas, músicos, poetas e escritores de ambas as dúas beiras do Atlántico que conflúen en Santiago de Compostela para celebrar a súa diversidade e creatividade cultural.
En total, máis de 30 propostas musicais e artísticas, oito delas aínda inéditas aquí e dúas que serán unha estrea mundial, procedentes dunha decena de países e comunidades autónomas que comparten vínculos de diferente tipo con Galicia. Así, ademais dunha ampla representación galega, o cartel inclúe artistas procedentes de Catalunya, Portugal, Colombia, Brasil, Mozambique, Cabo Verde, Güiana, Arxentina, Malí, Inglaterra, Sáhara Occidental ou Paraguai que farán que Compostela fale, durante os catro días que dure o festival, catalán, inglés, mambara, guaraní ou chopi timbilia, entre outros idiomas, ademais de galego.
O cartel completo poderá consultarse na páxina web do festival e nas redes sociais do festival, onde tamén se poderán mercar tres tipos de entradas: abonos completos, que darán acceso a todas as actividades e concertos de Maré 21; abonos de día , para os concertos de sábado e domingo, e entradas soltas para algunhas das actuacións por separado. Para rematar, o día 26, Día Europeo das Linguas, celebrarase unha xornada de portas abertas no Parque de Bonaval con diferentes actividades relacionadas con dita efeméride.
Nado en Pontevedra hai dezasete anos, este festival que conta co apoio da Consellería de Cultura, Educación e Universidade, é unha plataforma de intercambio cultural entre territorios que comparten lazos lingüísticos, históricos ou sentimentais mediante unha singular aposta cultural, social e económica que busca potenciar a creación feminina e da mocidade, a experimentación, as novas linguaxes artísticas e a diversidade cultural.
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
