sábado, 31 de octubre de 2026
No seu conxunto estes proxectos presentaban propostas de estudo de carácter divulgativo e pedagóxico nas que se trataron cuestións relativas ao impacto da COVID na formación e traballo do colectivo dos hospitaleiros que xestionan os albergues, o patrimonio inmaterial do Camiño portugués interior, a gastronomía asociada ao Camiño en Galicia e a súa influencia no desenvolvemento biocultural, a peregrinación xacobea a través do porto de Barcelona, a evolución da imaxe promocional do Camiño dende 1993 ou varias propostas orientadas á formación de mestrado para propiciar os procesos de ensino para nenos e nenas na cultura, identidade e valores do Camiño, entre outros temas.
Coa participación de preto dun cento de participantes de xeito presencial e en liña, o Congreso pretendía poñer en valor a actividade científica, divulgadora e didáctica de investigadores, entidades e universidades involucradas no estudo do Camiño e as Peregrinacións. O encontro contou coa participación de estudantado e profesorado universitario e de ensino medio, asociacións xacobeas, centros de investigación nacionais e internacionais, así como profesionais e axentes turísticos. O director da Cátedra destacou, Miguel Taín valorou positivamente a participación desenvolvida arredor dos proxectos presentados a pesar do actual contexto sanitario, o que obrigou a combinar sesións presenciais e por videoconferencia.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
