lunes, 10 de agosto de 2026
A conselleira de Política Social recordou que a Xunta de Galicia advertiu en varias ocasións ao Goberno central que o deseño e a aprobación desta nova prestación non eran axeitadas. A Administración autonómica avisou, entre outros aspectos, da falta de capacidade da Seguridade Social para xestionala, o que provocaría grandes demoras na súa tramitación. E alertou, así mesmo, de que habería desaxustes entre o IMV e as rendas autonómicas que darían lugar a solapamentos e duplicidades.
Por iso, solicitouse ao Goberno central que tomase as medidas necesarias para evitalo e, incluso, se demandou o traspaso de competencias da prestación estatal, como se fixo no País Vasco ou Navarra, petición que, sen embargo, se lle denegou a Galicia. A pesar das advertencias, Fabiola García lamenta que o tempo deunos a razón, pero sinceramente, ter ou non a razón é o que menos nos importa, o que nos preocupa é resolver esta situación provocada polas présas e a improvisación do Goberno central.
Tres alternativas
Ante tal situación, a Xunta de Galicia barallou tres alternativas para resolver o desaxuste. A primeira foi unha reforma rápida da Lei de inclusión social, que non foi posible levar a cabo porque o Real Decreto-lei do Ingreso Mínimo Vital, tivo que ser modificado media ducia de veces e aínda, logo de trinta prórrogas, estase a negociar a Lei que o aprobará definitivamente.
A segunda alternativa levou á Administración autonómica a solicitar ao Goberno central un mecanismo para compensar os indebidos, cunha negativa por parte do Executivo nacional. Polo que, en terceiro lugar, o Goberno galego decidiu manter a Risga durante todo o período que os solicitantes do IMV se mantiñan á espera de cobrar a prestación para evitar deixalos sen ingresos.
De cara a medio e longo prazo, a Xunta de Galicia adaptará a súa política de inclusión ao Ingreso Mínimo Vital. Para iso, no vindeiro trimestre tramitarase a reforma da Lei de inclusión social, para o que a conselleira de Política Social pediu un amplo apoio parlamentario. O Goberno galego leva meses traballando nesta reforma, para a que conta coas achegas das entidades de loita contra a pobreza.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
