lunes, 10 de agosto de 2026
A cita celebrouse na sede do Consello Económico e Social de Galicia, en Santiago de Compostela, e estivo coordinada por Fernando Pérez, profesor da Universidade de Vigo. Na sesión, explican en nota de prensa desde o Foro Económico de Galicia, debateuse sobre os efectos disrutivos que toda esta transformación dixital pode ter sobre a economía de Galicia, partindo da idea de que recaerá sobre o conxunto dela, pois non serán só os sectores máis avanzados ou tecnoloxicamente sofisticados os implicados polo cambio. Así, advertiron, a transición dixital, que actuará imbricándose profundamente con outras mutacións, como a medio ambiental, impactará con forza na dinámica dos sectores económicos, o comportamento das empresas e o futuro do emprego.
A xornada comezou cunha intervención de Álvaro Gómez, consultor e profesor de escolas de negocio, sobre os retos que expón a economía dixital e a capacidade de Galicia para afrontalos. De seguido interveu Luís Pérez, director xeral de Gradiant (Centro Tecnolóxico de Telecomunicacións de Galicia), que abordou os desafíos dixitais inmediatos aos que deberá facer fronte a comunidade autónoma. Tras estes dous relatorios tivo lugar unha mesa redonda na que participaron outros tres expertos: Javier Taibo, xestor de empresas, Ramón Doallo, catedrático da Universidade da Coruña, e Antía Fernández, directora de Sistemas Intelixentes de Gradiant.
Pensando a Galicia de 2040
Esta actividade enmárcase no grupo de traballo do Galicia 2040, do Foro Económico Galicia 2040, que ten como un dos seus principais obxectivos o de proxectar distintos escenarios posibles para os cinco eixos fundamentais para o cambio nas vindeiras décadas en Galicia: demografía, procesos de urbanización, retos medio ambientais, contexto xeoestratéxico e dixitalización. O grupo iniciou a súa andaina no ano 2020 e xa ten presentado ata o momento documentos sobre demografía, sobre as dinámicas de envellecemento e sobre a xestión da sanidade pública. O equipo está dirixido por Xosé Carlos Arias (Universidade de Vigo), María Cadaval (Universidade de Santiago de Compostela) e Domingo Docampo (Universidade de Vigo) e conta con José Francisco Armesto (Foro Económico de Galicia) como secretario técnico.
O Foro Económico de Galicia é unha plataforma de transferencia de coñecemento das universidades e empresas galegas á sociedade. Está integrada por profesorado das tres universidades galegas, empresarios e directivos de referencia e xornalistas especializados en divulgación económica, agrupando a un total de máis de 60 persoas referentes para a análise e confección de propostas para a economía galega.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
