jueves, 17 de septiembre de 2026
É importante destacar que o saldo migratorio co estranxeiro segue a ser positivo en 8.408 persoas, a pesar las fortes restricións co estranxeiro derivadas da pandemia a partir dos primeiros días de marzo de 2020.
Tamén é moi significativo o forte incremento das entradas procedentes de outras CC.AA. e a diminución das saídas, que provocou un saldo positivo de 6.208 persoas, o máis elevado da serie histórica.
A pesar da situación de pandemia no ano 2020 e as súas consecuencias na mobilidade internacional, Galicia volve ter unhas cifras de retorno dende o estranxeiro de preto de 4.000 persoas (3.842).
Segundo a información que se recolle nesta estatística de variacións residenciais, o 73% das persoas que chegaron a Galicia desde o exterior teñen menos de 45 anos, e que unicamente o 6,57% son maiores de 65.
Tivo lugar o acto de entrega dos Premios de Responsabilidade Social Empresarial de Galicia 2026, que puxeron en valor a importancia de promover unha cultura empresarial que integre a responsabilidade social no seu modelo de xestión e sitúe as persoas no centro da actividade. As entidades premiadas foron Galaica Consultaría Integral e Nasas Social Media, na categoría de pequena empresa; Torres y Sáez, na de mediana empresa; Citanias Obras y Servicios, na de grande empresa; e Altia, coa Mención á Conciliación.
A conselleira do Mar, Marta Villaverde, defenderá ante o Goberno central a posición de Galicia sobre o futuro da Política Pesqueira Común, baseada na necesidade de garantir financiamento suficiente para o sector, facilitar a renovación e modernización da frota e avanzar cara a un modelo de xestión que teña en conta tanto a conservación dos recursos como a viabilidade económica e social da actividade. Villaverde trasladará que Galicia afronta este debate desde unha posición singular pola dimensión e diversidade do seu complexo mar-industria, cunha extensa frota de baixura e pequena escala, unha importante presenza da altura e gran altura, unha industria transformadora e conserveira de referencia e unha acuicultura cun destacado peso na produción comunitaria.
