lunes, 14 de septiembre de 2026
Como expresou, trátase dunha proposta especialmente simbólica porque volve celebrarse cando a cultura se está a consolidar como máis necesaria que nunca e cando está a ser fundamental crear pontes para contribuír a que os profesionais do sector continúen traballando e compartindo o seu traballo co público de xeito seguro. Neste sentido, sinalou a importancia de que este festival mesture as artes visuais, escénicas, literatura, arquitectura e deseño e tamén descentralice as súas localizacións apostando por espazos e enclaves singulares de elevado valor paisaxístico ou cultural, engadiu.
Así, ao longo de dúas semanas, daranse cita preto dunha trintena de propostas culturais, que comezarán mañá no Museo das Peregrinacións e de Santiago coas conversas organizadas cos creadores Verónica Moar e Álvaro Valiño sobre deseño performativo. O Festival Plataforma traerá tamén á coreógrafa, bailarina e artista visual La Ribot, que ofrecerá a súa visión sobre a danza contemporánea nun novo formato coreográfico Las piezas distinguidas. Poderá verse o 1 de xuño no CGAC e se completará cunha conversa coa artista ese mesmo día.
O CGAC acollerá tamén en estrea absoluta a proposta artística da bailarina e creadora galega Janet Novás Where is Janet? o venres 28 e o sábado 29 de maio e a programación do Festival inclúe así mesmo a exposición Accións peregrinas que recompila algunha das instalacións paradigmáticas da artista Pilar Albarracín.
Exposicións e concertos
Ademais de nestes museos, tamén se celebrarán concertos, performance e exposicións en espazos como a praza do Obradoiro e a praza da Quintana, o parque de Belvís e o parque de Bonaval, a praza de Mazarelos e a praza de San Martiño Pinario, a Facultade de Xeografía e Historia e a Igrexa da Universidade.
En conxunto, contarase coa participación de artistas como Mariana Tegner Barros. Janet Novàs, Mar Ramón + Da Rocha, Félix Fernández, Mónica Mura, Fundación DIDAC, Lara Dopazo Ruibal, Vacaburra, Vasco Araújo, Pilar Albarracín, Marta Verde+ DJ, Anacos. Estarán abandeirados, entre outros por contribucióins como La Ribot, Christian García Bello, Mirar o son, Manuel Eirís, Juan López e a banda municipal de Compostela, Cabello /Carceler, Paula Quintás, Berio Molina e Alejandra Pombo, Orquestra Galega de Liberación, Olalla Cociña, Menina arroutada, Marta Fernández Calvo, Pablo Fidalgo, Vertixe Sonora, María Roja, Lar Legido. Cenlitrosmetroscadrado, María Ramos, Adriana Pazos Ottón.
O festival Plataforma de artes performativas celebra así a súa segunda edición. É un proxecto de Performa, Sociedade Cooperativa Galega que producen conxuntamente a Xunta de Galicia e o Concello de Santiago de Compostela e no que colaboran a Fundación María José Jove, a Universidade de Santiago de Compostela e a Deputación da Coruña. A programación completa pode consultarse na web www.plataforma.gal.
A reposición dálle continuidade á aposta do Centro Dramático Galego por recuperar títulos do seu repertorio que manteñen a demanda do público máis alá da súa primeira exhibición. No caso de 'A serie clopen', as 33 funcións ofrecidas no Salón Teatro durante a súa estrea en 2025 reuniron arredor de 5.500 espectadores, antes de iniciar unha serie de representacións por outros espazos de Galicia e de Portugal. O regreso aos escenarios prodúcese despois do recoñecemento acadado pola produción nos Premios de Teatro María Casares, pois obtivo dous galardóns: Natalia Pajarito, como mellor actriz protagonista, e Marta Alonso Tejada, pola dirección de movemento.
O sábado 12 de setembro chegará un dos pratos fortes do ciclo: A Movida Viguesa e a Homenaxe a Golpes Bajos. Esta histórica xornada supón o regreso aos escenarios de artistas fundamentais para comprender a historia musical de Vigo e de Galicia. Bandas e músicos que naceron na cidade e que, desde aquí, conquistaron o panorama nacional e mesmo internacional. Reunir nun mesmo escenario a Golpes Bajos, Semen Up, Miguel Costas de Siniestro Total, Killer Barbies e Stoned at Pompei é moito máis que un concerto: é unha homenaxe a unha xeración irrepetible e a unha cidade que marcou unha época dentro da música española.
