domingo, 26 de abril de 2026
O secretario xeral de Cultura, Anxo M. Lorenzo, e a secretaria xeral da Igualdade, Susana López Abella, inauguraron hoxe na Biblioteca de Galicia a mostra Pobre Asunción!: a violencia de xénero na prensa, coa que a Xunta de Galicia repasa a evolución do tratamento da violencia de xénero na historia a partir de parte dos fondos que custodia a Cidade da Cultura, así como a partir de documentos literarios e arquivísticos.
Como explicou Anxo M. Lorenzo, trátase dunha exposición necesaria coa que o Goberno galego reforza o seu compromiso coa sensibilización e visibilización sobre un asunto de tal alcance e relevancia social como este e que é posible grazas ao gran patrimonio hemerográfico que atesoura a Biblioteca de Galicia que permite realizar unha pequena historia da violencia de xénero a partir do que contan os xornais galegos, indicou.
Neste sentido, destacou o papel da Biblioteca de Galicia para recuperar, recoller, e difundir un amplo abano de materiais xornalísticos, literarios e arquivísticos facendo un repaso desde o século XIII do tratamento da violencia de xénero na prensa. Puxo de manifesto, ademais, a homenaxe a Asunción González, a primeira vítima documentada de violencia de xénero no ano 1891, bautizando a exposición co seu nome.
A secretaria xeral da Igualdade, Susana López Abella, pola súa banda, enxalzou o crucial rol dos medios de comunicación na consecución da igualdade de xénero e na promoción do papel das mulleres na sociedade, como transmisores responsables das noticias. Son a ferramenta que serve de plataforma para denunciar estas agresións, á vez que son a tribuna dende a que se pode concienciar á sociedade de que esta violencia contra as mulleres é un delito, engadiu.
O tratamento dos casos de violencia de xénero nos medios debe responder, a criterio da secretaria xeral, á honestidade e á responsabilidade que definen á profesión. Ofrecer unha información responsable e comprometida é un excelente xeito de combater a violencia de xénero, e apoiar as mulleres que a sofren, enfatizou.
A exposición, que poderá visitarse ata maio de 2021, está organizada en dez módulos entre os que se repasa, entre outras, a violencia de xénero antes do nacemento da prensa, as primeiras noticias da violencia de xénero, a historia de Asunción González, así como literatura e crónica de sucesos. Tamén se analiza a violencia de xénero en revistas ilustradas e na prensa sensacionalista, así como na prensa actual. Ao longo de cada un dos seus módulos, os visitantes da exposición poderán ver exemplares de cabeceiras de prensa como El Compostelano, que se publicou en Santiago entre o 1920 e 1946.
Tamén de Vida gallega, impulsada por Jaime Solá en 1909 e que foi a revista ilustrada máis importante de Galicia durante décadas, ou El Pueblo gallego, un dos diarios con maior tirada ata a súa desaparición en 1979. Tamén se inclúen series de fotogravado, as primeiras imaxes que documentan a violencia de xénero na prensa desde finais do SXIX, ata pezas dos nosos días nos que tamén é noticia a crecente sensibilización social ante este problema.
A exposición Pobre Asunción!: a violencia de xénero na prensa está organizada pola Consellería de Cultura, Educación e Universidade e inclúese entre as actividades levadas a cabo pola Biblioteca de Galicia, na Cidade da Cultura. Desde a súa inauguración traballa para enriquecer e divulgar os seus fondos, sendo a hemeroteca a súa sección máis ampla. A exposición inaugurada hoxe nútrese de parte dos seus fondos, entre os que tamén se conta cunha colección de cabeceiras de prensa histórica galega
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
