lunes, 10 de agosto de 2026
O estudo fai fincapé na sétima causa de mortalidade empresarial, a insuficiente política de xestión do risco, que provocou o peche do 12,5% das maiores empresas galegas entre 1972 e 2008. Os autores destacan que un de cada catro traballadores deste grupo perdeu o seu emprego por unha insuficiente política de risco na súa empresa.
Estudos de caso
O informe analiza de maneira pormenorizada os casos de FENOSA e do Gran Hotel e Balneario de Mondariz, que pecharon as súas portas pola falta de política de xestión de riscos. En primeiro lugar, relata como FENOSA carecía dos seguros necesarios para asegurar o financiamento recibido do estranxeiro e como isto a levou a unha profunda crise financeira. Pola súa banda, o Gran Hotel e Balneario de Mondariz sufriu un incendio durante unha reforma e, ao non contar co seguro adecuado, non puido superar o golpe.
Os autores tamén abordan a crise que viviu o sector da conserva como consecuencia da falta de pagamentos de Libia, país ao que exportaban gran parte da súa produción. Este conflito demostrou a necesidade de contratar seguros de crédito á exportación, xogando un papel moi importante na súa difusión a Asociación Nacional de Fabricantes de Conservas de Peixes (ANFACO). Por outra banda, destacan os casos de Vidros A Florida e Rodolfo Lamas Construcións. Vidros A Florida, cun persoal de 135 traballadores, atravesaba unha situación difícil, pero o que motivou o seu peche definitivo foi a caída do teito da súa fábrica da Florida debido a un forte temporal. O mesmo sucedeu con Rodolfo Lamas Construcións, con máis de 1.000 traballadores, que cesou a súa actividade polo derrubamento, por mor dunha nevada, dun polideportivo en construción no concello das Pontes. Ningunha das empresas contaba cunha política de xestión de riscos suficiente, polo que, ao non estar ben aseguradas, non puideron afrontar os sinistros que causaron as situacións meteorolóxicas adversas comentadas anteriormente. Por tanto, este estudo de investigación demostra que a necesidade de aseguramento é transversal a calquera empresa, independentemente do seu sector ou tamaño, pois toda organización pode afrontar problemas por falta de política de xestión do risco.
Acto de presentación
O Salón Nobre do Colexio de Fonseca acolleu este martes a xornada de presentación do informe. Presidida polo reitor Antonio López, no acto tomaron parte o secretario xeral do Consello Económico e Social de Galicia, Juan José Gallego Fouz; o vicepresidente de Fundación AXA, Luis Sáez de Jáuregui; e o presidente de Fundación Inade, José Ramón Santamaría Barreiro.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
