viernes, 31 de octubre de 2025
Unha tarefa, subliñou, na que estará centrado Francisco Conde, co obxectivo de que nazan novas empresas, proxectos novos e proxectos tractores; e, todo isto, baixo un cambio de paradigma baseado na dixitalización, a sostibilidade e a economía circular.
Logo de precisar que para acadar ese fin, Conde contará co apoio e o traballo de María Jesús Lorenzana, José González e Rosa Quintana, Feijóo deu a benvida ao novo conselleiro de Sanidade, Julio García Comesaña, do que destacou a súa traxectoria profesional. E referiuse a Román Rodríguez que, baixo a nova Consellería de Cultura, Educación e Universidade, recupera unha competencia que coñece ben como é a educativa.
Así mesmo, citou a Ángeles Vázquez, Ethel Vázquez e a Fabiola García, que renovan as súas responsabilidades e incrementan a esixencia da súa labor. E, no ámbito da Consellería de Facenda, con Valeriano Martínez á fronte, expuxo a necesidade de coordinar con maior profundidade a administración pública, co obxectivo de ter unha visión conxunta da mesma, nun tempo novo de teletraballo e dunhas administracións máis rápidas, tecnolóxicas e máis abertas.
Ao longo da súa intervención, confirmou tamén que na coordinación de todo o traballo conxunto do Executivo seguirá Alfonso Rueda, que asume ademais as competencias nunha materia tan especial como é o turismo.
Facer fronte ao retos mirando cara ao mañá
Coa celebración do primeiro Consello ao remate da toma de posesión dos conselleiros, o presidente da Xunta constatou que o novo Goberno galego comeza a traballar arreo desde hoxe mesmo: Os problemas de Galicia non lle van dar 100 días ao Goberno, porque están xa en riba da mesa, abundou.
Alberto Núñez Feijóo recordou ademais que os puntos cardinais deste Executivo permanecen inalterables, coherentes cos valores que sempre estiveron presentes na nosa xestión, afirmou, defendendo a igualdade de oportunidades entre todos os galegos, velando polo traballo dos cidadáns para xerar riqueza e repartila axeitadamente e garantindo a cohesión territorial e social de toda a Comunidade.
Todo isto cun dobre horizonte: facendo fronte ao reto sanitario e aos seus efectos sociais e económicos; e mirando cara ao mañá, avanzando en desafíos claves como o demográfico, a vertebración territorial, o coidado ambiental, a conservación do patrimonio ou a creación de riqueza.
O noso proxecto de futuro construirase sobre esa Galicia plural e diversa, pero unida no fundamental. A política galega debe ser moderada, como é Galicia; integradora, como é Galicia; e respectuosa, como é Galicia, dixo, lembrando que non é a primeira vez que á Comunidade lle toca superarse a si mesma.
Once anos despois, a fortaleza deste pobo está máis que acreditada. Once anos despois, os galegos podemos mirarnos á cara coa satisfacción de estar a construír unha terra mellor. E, once anos despois, Galicia ten un rumbo certo do que as turbulencias non nos van apartar, aseverou, concluíndo cunhas palabras de recoñecemento e agradecemento a Jesús Vázquez Almuíña e Carmen Pomar pola súa entrega e a súa magnífica labor.
Destaca na programación o protagonismo que terá a música cos concertos de Uxía e de Óscar Ibáñez na apertura e peche da feira, ou o regreso de Magín Blanco á música para público adulto, que celebrará cunha actuación en directo e a presentación do libro Percorrido. Outro dos pratos fortes no Pazo da Cultura será o espectáculo que Xosé Antonio Touriñán creou en exclusiva para Culturgal, e un novo ciclo de narrativa oral, no que profesionais da dirección, da realización e guionistas explicarán os seus próximos proxectos.
A campaña de vacinación fronte á gripe acada xa as 243.320 persoas inmunizadas. A campaña de vacinación está activa desde o 29 de setembro e ata o 31 de decembro, tendo como poboación diana as persoas maiores, os menores de 11 anos e os profesionais da sanidade. Unha das novidades desta campaña é que todas as persoas chamadas a vacinarse poden facelo no seu propio centro de saúde ou consultorio. A Consellería enviou xa sms de citación a máis do 60 % dos maiores de 70 anos e a máis do 50 % das familias de nenas e nenos de 6 meses a 11 anos.
