domingo, 6 de septiembre de 2026
Con este obxectivo, Feijóo avanzou que se traballará na atención ao trauma, ao dó e á depresión; na atención aos maiores e persoas ingresadas en centros sociosanitarios; en impulsar a teleasistencia como ferramenta de apoio ás consultas presenciais; en favorecer o apoio aos profesionais sanitarios en primeira liña fronte á covid-19; e en promover o fortalecemento dos programas de prevención do suicidio.
Nesta liña, o presidente da Xunta confirmou que o plan recolle a creación de 241 novas prazas en catro anos, das que 54 son para psiquiatras; 45 para psicólogos clínicos e 66 para enfermeiros especialistas en saúde mental. Tamén haberá 5 novas prazas para terapeutas ocupacionais, 42 para auxiliares de enfermería e 29 para traballadores sociais.
Así mesmo, crearanse novos dispositivos asistenciais localizados en centros de especialidades, centros hospitalarios e centros de atención primaria. Trátase de cinco novas unidades de saúde mental de adultos (dúas en Santiago, dúas en Vigo e unha na Coruña) e dúas unidades de psicoxeriatría (na Coruña e en Ourense). Unha unidade de hospitalización para nenos e adolescentes, no Hospital Álvaro Cunqueiro en Vigo, que será de referencia para a zona sur de Galicia. Dúas unidades ambulatorias de saúde mental infanto-xuvenil en Vigo e A Coruña, ademais de reforzarse a de Santiago. Dotarase a todas as áreas sanitarias de hospitais de día infanto-xuvenís, para a atención ás patoloxías de maior gravidade.
Do mesmo xeito, engadiu, incrementaranse as prazas de hospitalización de agudos e prazas hospitalarias destinadas á rehabilitación das persoas con trastorno mental grave: 22 novas prazas de hospitalización de pacientes agudos (15 na Coruña e 7 en Pontevedra) e 40 de rehabilitación psiquiátrica hospitalaria (20 en Vigo de referencia para Vigo-Pontevedra e 20 en Santiago de referencia para A Coruña-Santiago-Ferrol).
Reforzo da prevención
Durante a rolda de prensa do Consello, Feijóo destacou tamén a decisión de reforzar o acordo de medidas de prevención para facer fronte á pandemia, aprobado o pasado 12 de xuño.
Se ben será publicado no DOG, o presidente da Xunta avanzou algunha das novidades. Así, refórzase a obrigatoriedade do uso de mascarilla; incídese na necesidade de que os sintomáticos comuniquen a súa situación e refórzanse os mecanismos de control e seguimento ante posibles casos positivos; permítese a progresiva apertura dos locais de ocio nocturno a partir do 1 de xullo, con dous terzos do aforo máximo en discotecas, uso obrigatorio de mascarilla e un sistema de rexistro no acceso para poder localizar aos asistentes en caso de producirse un brote. E, en xeral, en todos os ámbitos como por exemplo nas praias, os parques infantís ou as verbenas-, auméntase o aforo máximo a unha persoa por cada 3 metros cadrados.
Compra de material e equipamento sanitario fronte á covid-19
Por último, Feijóo referiuse tamén á autorización da tramitación de emerxencia de tres novos expedientes de contratación por valor de 1,13 millóns de euros para subministrar material e equipamento aos hospitais do Sergas fronte á covid-19.
A primeira destas contratacións permitirá a adquisición de 239 camas de hospitalización, das que 120 son para o Hospital Universitario da Coruña e 119 para o Hospital Universitario de Ourense; 11 centrais de monitorización para varios hospitais; e un equipo portátil dixital de raios X para o Hospital Público de Monforte.
Os outros dous expedientes son relativos ao subministro de determinados materiais e produtos na Área Sanitaria de Ourense, Verín e O Barco de Valdeorras para facer fronte á epidemia da covid-19.
A exposición 'As estacións do ano na arte galega dos séculos XX e XXI' pecha as súas portas no Museo Centro Gaiás o domingo 6 de setembro con máis de 36.000 visitas desde a súa inauguración. Concibido e comisariado pola artista e investigadora Mónica Alonso, o proxecto destaca polo seu deseño innovador, que constrúe un percorrido sensorial para mergullarse na arte contemporánea. Máis de 80 obras de 63 artistas dan forma a un itinerario que transita polas paisaxes, símbolos e lembranzas asociadas ao paso do tempo e os cambios entre a primavera, o verán, o outono e o inverno en Galicia.
Galicia continúa a manter o liderado na taxa de escolarización 0-3 por cuarto curso consecutivo, cun 64 %. Os datos do Ministerio de Educación, Formación Profesional e Deportes referentes ao período lectivo 2026-2026 consolidan este primeiro posto, con 14 puntos por riba da media nacional. Ademais, Galicia é a única comunidade autónoma que está por encima da barreira do 60 % en niveis de escolarización no primeiro ciclo de Educación Infantil e supera en case 20 puntos o obxectivo da Unión Europea para o ano 2030, que é do 45 %. Estas cifras colocan a Galicia como referente no apoio ás familias e á infancia e son posibles grazas a medidas como a gratuidade das escolas infantís.
