viernes, 4 de julio de 2025
Cómpre lembrar que a Consellería de Educación leva anos desenvolvendo diferentes iniciativas para o reforzo e en prol do éxito escolar. Neste sentido cómpre destacar os contratos-programa, que arrincaron no curso 2011/2012 con 144 centros e que este curso chegan xa a 635 colexios e institutos. Este ano o orzamento para este programa ascende a máis de 5,2 millóns de euros, cos que é posible contratar a profesorado externo adicional para o desenvolvemento do programa, un total de 520 profesores e profesoras.
Cómpre salientar que este curso tamén se redefiniron as liñas de actuación dos contratos-programa co fin de axustalas ás necesidades máis actuais e prestando especial atención ao abandono e ao reforzo educativo. De feito, a liña 6 diríxese á Prevención do abandono temperán e do absentismo escolar, e ten como finalidade atender o alumnado con menor motivación para aprender, de xeito que se lle ofrezan respostas adaptadas ás súas posibilidades e aos seus intereses, para seguir avanzando na súa aprendizaxe, diminuíndo o risco de abandono ou desinterese.
Ademais hai 3 liñas específicas de reforzo educativo, en concreto a liña 1, REFÓRZA-T, que ten como obxectivo mellorar o rendemento académico do alumnado con dificultades de 3º, 4º, 5º e 6º de educación primaria, de 1º e 2º de educación secundaria obrigatoria e de formación profesional básica; a 2, de Mellora das competencias clave, centrada en traballar a competencia matemática e competencias básicas en ciencia e tecnoloxía, así como a competencia en comunicación lingüística en Primaria, ESO e FP Básica; e a 9, dirixida ao Reforzo de competencias clave en 3º e 4º de ESO, centrada nas devanditas competencias pero centrada nestes dous últimos cursos antes de obter o graduado escolar.
O departamento educativo da Xunta de Galicia acaba de poñer en marcha, ademais, un novo plan de reforzo das competencias do alumnado, ARCO, con accións que se desenvolverán dentro do horario lectivo e con tres liñas de actuación que desenvolverán axustes educativos dentro da aula ordinaria, co obxecto de favorecer a súa participación no grupo-clase e a consecución do máximo desenvolvemento emocional, intelectual, social e profesional de todo o alumnado.
A estratexia Edudixital, de impulso das vocacións STEM e da presenza das novas tecnoloxías nos centros; e o programa Edulingüe, para implantar o plurilingüismo no sistema educativo galego, son outras das accións implementadas nesta última década que incrementan o interese do alumnado e a súa permanencia no sistema educativo.
Ademais, a oferta de FP, cada vez máis atractiva, e a aparición da FP Básica, especialmente dirixida a evitar o abandono, son outros dos factores que contribúen de forma decisiva á redución da taxa de abandono temperá.
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mínimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese Turístico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
