viernes, 4 de julio de 2025
Durante a súa intervención, o conselleiro de Cultura e Turismo, Román Rodríguez, destacou o modelo desenvolvido polas autonomías da España Verde, baseado na posta en valor dos recursos de cada territorio e potenciando elementos como a gastronomía, o patrimonio, a natureza, a paisaxe ou a propia Ruta Xacobea. Explicou que esta aposta por un turismo de calidade permitiu ás comunidades que conforman este proxecto avanzar en eixos estratéxicos como a descentralización de fluxos ou a desestacionalización da demanda, así como mellorar as súas variables turísticas, tanto en termos cuantitativos como en termos cualitativos.
Neste sentido, Román Rodríguez destacou o Camiño de Santiago como feito diferencial que distingue ás comunidades da España Verde doutros destinos e avanzou que durante este ano Galicia apostará por promover a Ruta Xacobea con especial intensidade aproveitando a proximidade do próximo Xacobeo 21.
O Camiño, un valor seguro
O responsable de Cultura e Turismo explicou que o Camiño é un valor seguro non só para as autonomías que conforman esta marca turística, senón para todo o norte peninsular. Tamén subliñou a súa capacidade para posicionar a Marca Galicia e a Marca España a nivel nacional e internacional, fomentando valores como a diversidade ou a multiculturalidade e favorecendo o desenvolvemento das zonas rurais polas que transitan os distintos itinerarios.
Este ano, ás portas do vindeiro Xacobeo 2021 o Camiño debe ser a carta de presentación dos valores que definen o noso modelo turístico, puntualizou Román Rodríguez nun acto no que tamén estivo presente a subdirectora xeral de márketing exterior de Turespaña, Ángela Castelo; a consejera de Cultura, Política Lingüística y Turismo de Asturias, Berta Piñán; a Consejera de Educación, Formación Profesional e Turismo de Cantabria, Marina Lombó, e a Consejera de Turismo, Comercio y Consumo de Euskadi, Sonia Pérez.
Presentación en Corea
O titular de Cultura e Turismo agradeceu o traballo desempeñado en 2019 polo País Vasco e subliñou que neste 2020 a España Verde seguirá consolidando a súa presenza en mercados europeos como Italia, Francia ou Reino Unido, pero tamén traballará estendendo a marca no mercado asiático a través dunha presentación que terá lugar en Corea.
Ademais, Román Rodríguez aproveitou para emprazar aos conselleiros e aos seus equipos a unha xuntanza que terá lugar nas próximas semanas en Santiago de Compostela co obxectivo de fixar liñas comúns de traballo e prioridades neste eido.
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mínimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese Turístico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
