sábado, 18 de mayo de 2024
A Xunta de Galicia impulsa a posta en marcha do MUMI Verín20, I Encontro Profesional de Música Galicia-Portugal, que terá lugar nesta localidade ourensá do 12 ao 14 de marzo como unha das iniciativas apoiadas polo programa da Consellería de Cultura e Turismo O teu Xacobeo.
Así o explicou hoxe o director da Axencia Galega das Industrias Culturais (Agadic), Jacobo Sutil, na presentación desta feira na Casa da Cultura verinesa, na que tamén interviñeron Diego Lourenzo, tenente de alcalde do Concello de Verín; Ana Villarino, deputada de Turismo da Deputación de Ourense, e os dous representantes da organización do MUMI: Manuel Vicente Roxo, de Culturactiva SCG, pola banda galega, e José Costa, de Banzé, pola portuguesa.
Sutil sinalou que esta foi unha das 352 iniciativas seleccionadas na primeira convocatoria de O teu Xacobeo, que estende o seu radio de acción a 100 concellos en moi diferentes áreas culturais. Ao tempo, incidiu na importante resposta do sector a este programa, que debido á gran afluencia de solicitudes ampliou o seu investimento inicial de 2 millóns a 4,7 millóns de euros en 2019. A esta cifra hai que sumarlles os 3,3 millóns da súa segunda convocatoria, que acaba de pecharse cun milleiro de propostas recibidas.
Respecto do MUMI, sinalou que encaixa perfectamente co triplo carácter de evento participativo, descentralizado e sustentable dos que a vindeira celebración do Xacobeo 2021 se quere nutrir. Así mesmo, destacou que esta feira reúne moitos elementos para ser un éxito non só nesta primeira edición, senón tamén para se converter nun evento necesario e continuo no tempo, tanto polo xeito no que está deseñado e polos apoios institucionais e sectoriais que está a concitar, como pola experiencia e valía do equipo que está na organización.
Ponte estable de intercambio musical
O MUMI, primeiro mercado de música e cultura que se organiza entre os territorios de Galicia e Portugal, está promovido por unha asociación de empresas, profesionais e colectivos do sector a ambas beiras do Miño, co obxectivo de crear unha ponte estable de intercambio musical entre os dous países.
Nel daranse cita artistas, promotoras, empresas de management, festivais, discográficas ou empresas de servizos e produción para establecer novas redes de contacto e coñecer propostas diferentes en primeira persoa. A súa programación profesional incluirá actividades de formación sobre cuestións técnicas, xurídicas e de promoción, speedmeetings, showcases cunha selección de artistas e bandas de Galicia e de Portugal, e unha feira sectorial.
O Camiño e o Xacobeo 2021
Neste apartado, o Camiño de Santiago e o Xacobeo 2021 serán abordados especificamente como grandes xeradores de oportunidades para o sector, aproveitando o seu patrimonio cultural e natural.
A programación abrirase, así mesmo, ao público xeral cunha serie de concertos, a través dos que se ofrecerá unha selección de diversos estilos e formatos que mesturará os novos valores e as figuras xa consagradas en espectáculos multidisciplinares, tanto para o público familiar como para o adulto.
A organización anunciou hoxe que xa está aberto o prazo de presentación de propostas artísticas para participar no MUMI Verín20, que poden achegarse ata o 11 de febreiro a través da web mumimusicas.eu.
Cada galego reciclou o ano pasado unha media de 30,3 quilos de envases domésticos lixeiros e de papel-cartón, case un 3% respecto máis que o ano anterior. Estes datos enmárcanse no traballo desenvolvido pola Xunta e Ecoembes (organización sen ánimo de lucro que coordina a reciclaxe dos envases domésticos en todo o país) para mellorar o depósito, recollida e posterior recuperación deste tipo de residuos no conxunto da comunidade galega. En 2023 en Galicia recuperáronse 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de envases metálicos e 700 Tn de recipientes de madeira).
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
