lunes, 30 de junio de 2025
As escolas participarán realizando tanto programas en directo como gravados, onde traten diferentes temáticas relacionadas co patrimonio inmaterial galego-portugués. Moitas delas tamén acudirán ao estudo de radio instalado no campus da Universidade de Vigo para facer dende alí as súas intervencións en directo que serán emitidos por UVIGO TV. Outros centros elaborarán os seus programas en audio e/ou vídeo para seren emitidos o 27 de marzo en directo desde as súas propias escolas ou a través das webs de PNO! Ademais, os centros educativos que o desexen poden organizar no seu concello ou comarca calquera acto que visibilice o labor da radio e o patrimonio realizado por Ponte
nas ondas! ao longo destes 25 anos ou colaborar con emisoras locais para divulgar o evento.
Colaboracións
Coa xornada do aniversario van colaborar artistas e xornalistas de radio que ao longo destes anos viñeron achegando o seu apoio á experiencia, para iso están previstas conexións con emisoras de España e Portugal.
Día Mundial da Radio: A diversidade
PNO! convida tamén ás escolas a sumárense á celebración do Día Mundial da Radio que a UNESCO promove en todo mundo cada 13 de febreiro.
A temática proposta pola UNESCO en 2020 é a DIVERSIDADE en todas as súas manifestacións: diversidade cultural, diversidade de xénero, diversidade de idades, nacionalidades, etc. Ponte
nas ondas!, como experiencia de radio interescolar multimedia, propón ás escolas que expresen a súa diversidade empregando todas as posibilidades que ofrece a radio en todos os seus xéneros xornalísticos ( entrevistas, reportaxes, opinións, etc. ), formatos ( audios, podcasts, vídeos, etc. ) e transmisións ( FM, radio online, redes sociais ).
Outros eventos de celebración do 25 Aniversario de Ponte
nas ondas!
Ao longo de 2020 Ponte...nas ondas! realizará outras actividades, como unha nova edición do certame de recolla As imaxes do Patrimonio, convocatoria xa aberta ás escolas deica o mes de xuño. Tamén está xa aberta a segunda edición do Certame de Podcasts en galego Xosé Mosquera Pérez O vello dos contos. Ademais, o 15 de maio realizarse unha xornada galego-portuguesa de xogos tradicionais.
Cara ao final deste ano de aniversario da pioneira ponte interescolar transfronteiriza, a asociación celebrará o Día Internacional do Patrimonio, con diversas actividades co patrimonio inmaterial galego-portugués como eixo central. Unha Mostra da Oralidade galego-portuguesa realizarase en Vigo no mes de novembro.
Ademais, durante todo o ano, os centros educativos acollen obradoiros de radio organizados por PNO! que vén dinamizando a radio escolar como unha ferramenta pedagóxica que desenvolve as competencias do alumnado.
Vintecinco anos de traballo en prol do patrimonio
A Asociación Cultural e Pedagóxica Ponte
Nas Ondas!, organizadora do certame, acumula un amplo traballo na divulgación do patrimonio inmaterial galego-portugués. Desde 2016, a UNESCO ten acreditada a Ponte... Nas Ondas! como ONG consultora para o patrimonio inmaterial.
Galicia reforza por terceiro curso consecutivo o seu liderado na taxa de escolaridade de 0 a 3 anos e achégase ao 65 %, máis de 15 puntos por riba da media de España, segundo os últimos datos oficiais que vén de publicar hoxe o Ministerio de Educación, Formación Profesional e Deportes. Deste xeito, Galicia segue sendo a comunidade autónoma onde máis familias poden acudir a unha escola infantil totalmente gratuíta. As cifras oficiais revelan que Galicia rexistrou no curso 2024-2025 unha taxa do 64,3 % de escolarización, máis de catro puntos por riba do 60,6 % acadado no período anterior. Esta porcentaxe mantén á comunidade ao nivel dos países con maiores índices de benestar en Europa, como Suecia ou Dinamarca.
No marco do Plan de Actuacións da Xunta de Galicia fronte aos posibles efectos das altas temperaturas sobre a saúde, vénse de activar o nivel 1 de alerta a diversas áreas da comunidade autónoma por episodio de calor. Meteogalicia informa que a partir da xornada do venres 27, as altas presións volverán localizarse ao norte da península Ibérica, achegando unha masa de aire moi cálida de orixe norteafricana. Isto fará que as temperaturas experimenten significativos ascensos, tanto nos valores mínimos como nos máximos. Este ascenso de temperaturas comezará a notarse desde ese mesmo día, cando en moitos puntos de Galicia se superarán os 30ºC, e mesmo os 35ºC, en puntos do interior.
